Planea bo negoshi

• Investigacion di mercado y analisis competitivo
• Scirbi bo Plan di Negoshi
• Calcula e costo pa start bo negoshi
• Financia bo negoshi
• Cumpra un compania existente of franchise
• Centro di coaching y desaroyo
• Sectornan Prometedor
• Haci un impacto den bo comunidad

Centro di coaching y desaroyo

Si bo ta pensa di cuminsa un negoshi y bo tin mester di guia of coaching, por acerca varios instancia na Aruba cual por yuda bo cu henter e proceso cu bo tin cu cana.

Contenido

• Iniciativa pa Desaroyo di Empresarionan Arubano (IDEA)
• Camara di Comercio y Industria Aruba (KvK)
• Qredits Microfinanciering Nederland
• Aruba Investment Agency (ARINA)
• Exprodesk

Iniciativa pa Desaroyo di Empresarionan Arubano (IDEA)

Iniciativa pa Desaroyo di Empresarionan Arubano (IDEA) ta trahando pa trece cambio y ta stimulando negoshinan chikito y mediano pa nan por cuminsa, crece, expande of recupera nan negoshi cu mas confiansa.

IDEA ta dedica su mes y yuda empresarionan chikito y mediano realisa nan soñonan pa bira realidad.

Meta di Idea ta pa ofrece ayudo y guia extenso GRATIS na e comerciante cu kier cuminsa un negoshi chikito y cu hopi biaha ta topa cu diferente retonan manera conocemento basico di negoshi, acceso na credito, tecnologia, marketing y diferente regulacionnan existente.

Camara di Comercio y Industria Aruba (KvK)

Tur persona cu kier cuminsa un negoshi tin cu inscribi nan negoshi na KvK. Banda di esaki, KvK ta apoya e entrepreneur/ empresario door di ofrece nan informacion via e seccion di informacion di personal, conferencia, seminario, programa di desaroyo empresarial y otro actividadnan relevante pa stimula entrepreneurship.

Qredits Microfinanciering Nederland

Desde 1 di april 2017, Qredits a habri su portanan na Aruba pa brinda entrepreneurnan (starters) y negoshinan existente cu ta chikito y mediano (SME), oportunidad pa por bin na remarke pa haya un microcredit te cu e suma maximo di Afl. 100.000,-.

Hopi biaha como un (starter) entrepreneur bo mester inverti, sea bo mester cumpra productonan, of huur un edificio of cumpra ekipo. Pa e motibo aki bo mester di placa. Qredits ta un di e luganan cu tey pa sirbi SME cu un parti di e prestamo cu e lo tin mester di dje.

Banda di prestamo (microcredit), Qredits ta ofrece otro servicionan manera mentoring y por ofrece e entrepreneur algun tools di con pa scirbi un business plan.

Aruba Investment Agency (ARINA)

ARINA ta e prome y e punto principal di contacto pa tur inversionnan stranhero directo na Aruba. ARINA a wordo estableci pa haci mas facil pa inversionistanan por establece nan negoshi na Aruba of uza Aruba como un gateway pa drenta mercado nobo.

E servicionan di ARINA ta inclui:

• Proporciona inteligencia integral na Aruba;
• Proporciona informacion tocante e sector y e mercado;
• Conseha y asisti bo tocante oportunidadnan y manehonan di inversion;
• Introduci bo cu contactonan importante y relevante;
• Asisti den tur e proceduranan gubernamental;
• Ofrece asistencia pa bishitanan na e sitio;
• Proporciona informacion tocante tur proceduranan y rekisito pa establecimento.

Exprodesk

Exprodesk ta e unidad di Departamento di Asuntonan Economico, Comercio y Industria cu ta asisti y guia companianan local pa exporta nan producto y/ of servicio nan. Exprodesk por medio di tayer, training, mastermind meetings y one-to-one coaching, ta prepara y guia participante pa nan por cuminsa exporta nan producto of servicionan.

© 2024 Idea: Iniciativa pa Desaroyo di Empresa Arubano | Disclaimer

By orbitalnets