Financia bo negoshi

Ta costa placa pa bo cuminsa un negoshi. Financiamento di bo negoshi ta un di e prome decisionnan – y esun mas importante – cu un doño di un negoshi mester haci. Escogencia di bo forma di financiamento por afecta e manera cu bo ta bay structura y maneha bo negoshi.

Contenido


Determina cuanto financiamento bo lo tin mester

Tur negoshi tin diferente necesidad y ningun solucion di financiamento ta mes un cos. Bo situacion financiero y e vision di bo negoshi lo determina e parti financiero di bo negoshi.

Unabes bo sa cuanto placa bo mester pa cuminsa, ta momento pa scoge con bo lo hayele.


Financia bo negoshi bo mes, cu bo mesun fondo

Esaki ta wordo yama ‘bootstrapping’. Di e manera aki bo ta uza bo mes un recursonan pa financia bo mes un negoshi. ‘Bootstrapping’ por ta den forma cu bo ta aserca bo famia of amigonan pa fia bo placa, of via un cuenta di spaar.

Door di financia bo mes, bo ta keda ful den control di bo negoshi, pero bo ta tuma tur riesgo bo mes. Tene na cuenta pa bo no gasta mas cu bo por.


Haya capital di riesgo for di inversionistanan

Inversionistanan por duna bo fiansa pa cuminsa bo negoshi den forma di un inversion di capital di riesgo. Un capital di riesgo normalmente ta wordo ofreci a cambio di un participacion di propiedad y un rol activo den e compania.

E capital di riesgo ta diferencia di financiamento tradicional den varios aspecto importante.

E capital di riesgo tipicamente:

  • ta enfoca riba compania cu crecemento halto
  • ta inverti capital a cambio di capital, na luga di debe (no ta un fiansa)
  • ta tuma riesgo mas halto a cambio di posibel entrada mas halto
  • tin un inversion den horizonte mas largo cu un financiamento tradicional

Casi tur capitalista di riesgo lo kier por lo menos un puesto den directiva. Pesey ta prepara pa entrega un parti di tanto bo control y pertenencia di bo negoshi a cambio di financiamento.

Con pa haya financiamento pa capital cu tin riesgo

No ta existi un forma garantisa pa obtene capital cu tin riesgo, pero e proceso generalmente ta sigui pasonan basico standard.

  1. Haya un inversionista Busca inversionistanan individual – tin biaha yama ‘angel investors’ – of di companianan cu sa duna capital di riesgo. Tene na cuenta pa haci investigacion di antecedente pa ta sigur cu e inversionista tin un bon reputacion y si e tin experiencia pa traha cu negoshinan cu ta cuminsando.
  2. Comparti bo plan di negoshi E inversionistanan lo revisa bo business plan pa ta sigur cu e ta segun nan criteria di inversion. Mayoria fondonan di inversion ta concentra riba un industria, area geografico, of e etapa di desaroyo empresarial.
  3. Pasa door di un revision di diligencia  E inversionistanan lo observa bo management team, mercado, producto y servicio, documentonan di gobierno corporativo y e parti financiero di bo compania.
  4. Acorda e terminonan Si nan kier inverti, e siguiente paso ta pa bay di acuerdo cu e condicionnan cu ta describi e termino y condicionnan pa por realisa un inversion.
  5. Inversion Unabes bo bay di acuerdo cu e condicionnan, bo por haya e inversion. Unabes cu un capitalista di riesgo a inverti, e ta involucra su mes activamente den e negoshi. Capitalista di riesgo normalmente ta bini  rondona. A medida cu e compania ta cumpli cu ‘milestones’, ta sigui e siguiente parti di financiamento cu ta disponibel, cu ahustacion di prijs mientras cu e compania ta sigui ehecuta su plannan.

Uza ‘crowdfunding’ pa financia bo negoshi

Crowdfunding ta recauda fondo pa un negoshi door di un gran number di persona, yama crowdfunders. E crowdfunders technicamente no ta inversionista, pasobra nan no ta ricibi un participacion den e negoshi y no ta spera di haya nan contribucion bek cu nan a hinca den bo negoshi.

En cambio, e crowdfunders ta spera di ricibi un ‘regalo’ di bo negoshi, como un danki pa na contribucion. Hopi biaha e regalo ta e producto cu bo ta planeando di bende of otro beneficionan special, manera ser conoci cu e doño di e compania of tin su nomber den e creditonan. Esaki ta haci e crowdfunding un opcion popular pa personanan cu kier produci un trabao creativo (manera un documental) of un producto fisico (manera un freezer di tecnologia halto).

Crowdfunding tambe ta popular pasobra e riesgo ta hopi abao pa e doño di negoshi. No solamente cu bo ta retene ful control di bo negoshi, pero si bo plan faya, generalmente bo no ta obliga pa paga bek bo crowdfunders. Tur plataforma di crowdfunding ta diferente, pesey sigura bo mes pa lesa tur e letter chikitonan y compronde tur e obligacionnan financiero y legal.


Haya un prestamo chikito pa bo negoshi

Si acaso bo kier retene control completo di bo negoshi, pero bo no tin suficiente fondo pa cuminsa, considera un prestamo chikito pa bo negoshi.

Pa engrandece bo chens y pa bo por ta sigur cu bo lo haya un prestamo, bo mester tin un plan di negoshi y un specificacion di gasto, y un pronostico financiero di e proximo 5 añanan. E instrumentonan aki lo duna bo un idea di cuanto placa bo lo mester bay pidi y lo yuda un banco sa cu nan ta haciendo un bon escogencia pa duna bo un prestamo.

Unabes bo tin bo materialnan cla, contact e banconan local of Qredits pa duna bo un prestamo. Bo lo kier compara ofertanan pa haya e miho termino posibel di e prestamo.

Contact Qredits Microfinanciering Nederland

Bilderdijkstraat 16 (Vondellaan)
Oranjestad
Telefon: +297 582 2250 / 699-2255 (WhatsApp Only)
Website: www.qredits.com

Scroll To Top