Tocante IDEA
IDEA
Iniciativa pa Desaroyo di Empresa Arubano (IDEA), ta un centro pa ofrece ayudo y guia extenso, gratis, na e comerciante cu kier cuminsa un negoshi chikito nobo of cu tin un negoshi existente y hopi biaha ta topa diferente retonan manera conocemento basico di negoshi, acceso na credito, tecnologia, mercadeo y diferente regulacionnan existente.
Vision
Pa asisti comerciantenan cu informacion y guia amplio, pa asina crea actividadnan comercial nobo, diferente y innovativo.
Mision
Pa informa, guia y educa entrepreneurnan potencial of existente pa asina nan logra hasi nan negoshi uno exitoso. Tur esaki pa contribui na realisa un desaroyo sostenibel den e sector comercial pa yuda aumenta productividad y eficiencia den nos comercio. E aumento aki lo crea mas hopi productividad y un mercado laboral sano cune.
Meta
IDEA su meta principal ta pa stimula e generacion nobo y negoshinan chikito na Aruba pa fortifica un crecemento den economia y prepara/adapta manehonan pa asisti y stimula negoshi pa recupera y desaroya durante y despues di COVID-19, mediante guia, training y promocion.
Servicionan
Guia y informacion
Idea ta ofrece guia y ta duna informacion na e empresario chikito y mediano for di inicio y durante e proceso di habrimento di nan negoshi.
Informacionnan cu IDEA ta ofrece:
- Conocemento basico di negoshi
- Pasonan pa cuminsa y registra un negoshi
- Diferente regulacion existente
- Informacion pa financiamento
- Informacion tocante impuesto
- Mercadeo
- Business Plan
Monitor
Idea ta monitor su clientenan pa por duna su sosten si acaso mester di dje den resolvimento di bottlenecks y/ of ahustamento di su strategia comercial.
Educacion
Idea ta ofrece workshops pa nos clientenan y esnan cu ta interesa di habri un negoshi nobo of tin un negoshi existente. Nos ta ofrece educacion pa tur edad.
Den pasado nos a organisa workshop y webinar den e ramo di:
- Agricultura (Agripreneurship)
- Pa nos muchanan (Kidspreneurship)
- Pa nos jovennan (Youthpreneurship)
- Pa nos pensionadonan (Silver Entrepreneurship)
- Pa e grupo femenino (Women Entrepreneurship)
Curso ‘Empresario Prepara I + II’
Desde 2012 Idea ta ofrece anualmente durante e lunanan di april te cu juli un curso pa empresario cu yama “Empresario Prepara”. Durante e curso aki e cursistanan, ta ricibi varios topiconan cu ta hopi importante pa personanan cu kier cuminsa cu un negoshi. E topiconan aki ta wordo brinda door di profesionalnan. E curso Empresario Prepara ta wordo parti den 2 curso: Empresario Prepara I + II.
Curso Empresario Prepara I:
- Corporate Social Responsibility (Human Rights & Business)
- Business Continuity Plan
- Marketing
- Business Plan
- Business Law
- Small Business Administration
Curso Empresario Prepara II:
- Small Business Tax
- Innovation
- Developing Brand Awareness for Customer Satisfaction
- Leadership and Management
E cursista ta ricibi na final di cada module un tarea/ examen y tambe e mester entrega un Business Plan cu tambe ta conta pa punto. Si e cursista logra pasa e curso cu exito (minimo 5.5 punto final), lo ricibi un certificado.
E orario di e curso ta 7:00 p.m. – 9:15 p.m. y ta tuma luga 2 biaha pa siman. Ful e curso ta wordo brinda na Papiamento. E materialnan mayoria biaha lo wordo presenta den idiomanan hulandes of ingles.
Conferencia
IDEA ta colabora den organisacion di diferente conferencianan conhuntamente cu su stakeholdersnan y tambe IDEA riba su mes a organisa conferencianan manera:
- Small Business Event 2012-2017-2018
- ESER Conference (European Social Economy Regions 2018)
- Aruba Investment Summit 2021
Proyectonan
Idea a participa den diferente proyectonan pa stimula entrepreneurship den comunidad y pa engrandece comercio local.
Algun di e partners cu nos a colabora den proyecto ta: COSME group, DPL, CEDEHM, KvK, Bureau Traimerdia, EPI, DIMP, SVB, DVG, DOW, DIP, Departamento di Aduana, Telefon pa Hubentud, Fundacion Desaroyo Comunitario, Stichting Ja IK Aruba, Santa Rosa, Action Coach, ARINA, Exprodesk, Museum Archeologico Aruba, Banco Central di Aruba, I am Jeremy, Universidad di Aruba y Qredits.
Webinar
IDEA ta hasi uso tambe di e plataformanan digital, pa ofrece educacion empresarial na un capacidad mas grandi. Desde aña 2020, nos a cuminsa organisa webinar, curso y tambe conferencia internacional riba plataforma digital.
Scroll To Top
