Calcula e costo pa start bo negoshi

Cuanto placa lo costa pa cuminsa cu bo negoshi? Calcula e costonan pa cuminsa cu bo negoshi pa asina bo por aplica pa un financiamento, atrae inversionistanan y calcula ki dia bo lo tin ganashi.

Contenido


Calcula e costo pa start bo negoshi prome cu lansamento di bo negoshi

E yabi pa un negoshi exitoso ta e preparacion. Prome cu bo negoshi habri su portanan, bo lo tin cuentanan pa paga. Un entendimento di bo gastonan lo yuda bo lansa bo negoshi exitosamente.

Calculacion di e costo pa start bo negoshi lo yuda bo:

  • Calcula bo ganashi
  • Haci un ‘break-even’ analisis (no tin ganashi, ni perdida)
  • Sigura prestamo
  • Atrae inversionistanan
  • Spaar placa cu deduccion di impuesto

Identifica bo gastonan pa start bo negoshi

Mayoria di negoshi ta cay den un di e tres categorianan: negoshinan fisico, companianan online y compania di servicio. Bo lo encontra diferente gastonan pa start bo negoshi, dependiendo di e tipo di negoshi cu bo tin.

Tin algun gasto pa cuminsa un negoshi comun cu tur negoshi lo tin. Wak e lista aki bao y añadi tur otro gasto cu ta unico den bo negoshi.

  • Espacio di bo oficina
  • Ekipo y otro cosnan necesario
  • Comunicacion
  • Utilidad
  • Licencia y permisonan
  • Seguro
  • Abogado y accountant
  • Inventario
  • Salario di trahadornan
  • Publicacion y marketing
  • Investigacion di mercado
  • Materialnan di marketing imprenta
  • Traha un website

Calcula cuanto bo gastonan lo ta

Unabes cu bo tin bo lista di gasto, bo por calcula cuanto realmente nan lo costa. E proceso aki lo ta diferento pa cada gasto cu bo tin.

Algun gasto lo tin un costo bon defini. Permisonan y licencia su costonan ta claro y publica. Bo lo mester calcula otro costonan cu ta menos sigur, manera salario di empleado. Wak online y papia directamente cu mentornan, bendedonan y otro proveedornan di servicio pa wak kico otro companianan similar sa paga pa e tipo di gastonan aki.


Suma bo gastonan pa haya un imagen financiero completo

Unabes bo a identifica bo gastonan di negoshi, bo mester organisa bo gastonan den gastonan di un solo biaha (one-time expenses) y gastonan pa luna.

Gastonan di un solo biaha ta costonan inicial y necesario pa cuminsa bo negoshi. Cumpra e ekiponan importante, contrata un diseñador di logo, y paga permisonan, licencianan y tarifanan ta generalmente considera como gastonan di un solo biaha. Pa impuesto, bo por deduci algun di e gastonan di un solo biaha, cu esaki bo por spaar un tiki cen. Tene bon cuenta cu bo gastonan y papia cu bo accountant ora e momento yega pa entrega bo declaracion di impuesto na Departamento di Impuesto (DIMP).

Gastonan mensual ta inclui cosnan manera salario, huur, y utilidad. Conta por lo menos un aña di gastonan mensual, pero si bo por conta cinco aña ta ideal.

Suma bo gastonan di un solo biaha y bo gastonan mensual pa bo haya un bista di cuanto capital bo lo tin mester y pa ki tempo bo lo mester di dje.


Uza bo calculacion di cuanto e lo bay costa pa cuminsa cu bo negoshi pa haya financiamento

Ta un bon idea pa crea un rapport formal di bo gastonan pa start cu bo negoshi.

Bo kier esaki den un structura claro y facil pa compronde. Inversionistanan y financiadonan lo compara gastoonan cu bo ta spera na bo benta proyecta y asina determina e potencial di bo negoshi pa haya ganashi.

Scroll To Top