Maneha bo negoshi
Maneha bo finansas
Teniendo cuenta cu bo entrada y gastonan por yuda bo pa bo negoshi por funciona sin problema. Wak pa bo ta sigur pa bo mantene un bon administracion y tin un conocemento basico di finansas comercial.
Contenido
Busca ayudo di un accountant
Tin diferente manera pa haya yudansa cu bo accounting, sea di un accountant certifica, administrado of door di haci uzo di servicionan online. En todo caso, sigura bo mes pa bo tin un bon persona cu lo por maneha lo siguiente pa bo:
- Cuenta pa cobra (Accounts receivable)
- Cuenta pa paga (Accounts payable)
- Placa disponibel (Cash)
- Conciliacion bancario
- Salario (Payroll)
Curso Empresario Prepara
Desde September 2012, IDEA a cuminsa organisa un curso “Empresario Prepara” pa futuro empresarionan (entrepreneurs) y tambe empresarionan existente. E curso aki ta wordo brinda tur aña, cuminsando den April.
E meta aki ta pa engradece economia di Aruba a base di desaroyo di negoshinan micro, chikito y mediano. E negoshinan aki por tin e capacidad pa trece actividadnan comercial nobo y innovativo pa asina yuda realisa e diversificacion di e economia di Aruba.
Despues di hopi interes di parti di e cursistanan, IDEA a dicidi di amplia su curiculo di educacion cu e curso “Empresario Prepara II”.
Na September 2017, IDEA a organisa pa prome biaha e curso “Empresario Prepara II”.
Empresario Prepara I y II, su pakete ta consisti di lo siguiente:
Curso ‘Empresario Prepara I’ (EP I):
- E pakete di curso ta consisti di 6 vak/parti: Corporate Social Responsibility, Business Continuity Plan, Marketing, Business Plan, Business Law, Small Business Administration & Finance, y ta consisti di total 25 les.
Curso ‘Empresario Prepara II’ (EP II):
- EP II ta consisti di 4 vak/parti (un ampliacion di e curiculo di curso EP I): Small Business Tax, Innovation, Developing Brand Awareness for Customer Satisfaction, Leadership and Management, y ta consisti di total 19 les.
E orario di e curso ta 7:00 p.m. – 9:15 p.m y ta tuma luga 2 biaha pa siman. Ful e curso ta wordo brinda na Papiamento. E materialnan mayoria biaha ta wordo presenta den idiomanan hulandes of ingles.
Otro organisacionnan cu sa presenta tipo di curso similar ta:
- Kamer van Koophandel Aruba
Curso: Course Independent Entrepreneur SMEs
- Qredits Aruba
Curso: Be Your Own Boss
Credito Comercial
Pa haya un credito comercial pa bo negoshi por acudi na un banco local of na Qredits Aruba. Tene na cuenta cu lo pidi bo pa un Plan di Negoshi/ Business Plan. E siguiente link lo duna bo guia con ta haci esaki. Planea bo negoshi – Scirbi bo Plan di Negoshi
Banconan comercial na Aruba
Por tuma contacto cu Qredits Microfinanciering Nederland
Bilderdijkstraat 16 (Vondellaan)
Oranjestad
Telefon: +297 582 2250 / 699-2255 (WhatsApp Only)
Website: www.qredits.com
