Planea bo negoshi
Investigacion di mercado y analisis competitivo
Investigacion di mercado ta yuda bo haya cliente pa bo negoshi. Analisis competitivo ta yuda bo haci bo negoshi unico. Combina nan dos pa bo haya un bentaha competitivo pa bo negoshi.
Contenido
Uza investigacion di mercado pa haya cliente
Investigacion di mercado ta combina e comportacion di e consumidornan y e tendencia di economia pa confirma bo ideanan di negoshi y pa mehora esaki.
Ta hopi importante pa compronde bo clientenan for di principio. Investigacion di mercado ta reduci riesgo y ta evita bo haci fout.
Compila informacion demografico pa compronde miho e oportunidadnan y limitacionan pa gana mas cliente. Esaki por inclui data di populacion basa riba edad, rikesa, famia, interes of cualkier otro cos cu ta relevante pa bo negoshi.
Despues contesta e siguiente preguntanan pa tin un bon idea di e mercado.
- Demanda: tin un deseo pa bo producto of servicio?
- Tamaño di mercado: cuanto persona lo ta interesa den locual bo ta ofrece?
- Indicador di economia: kico ta e rango di entrada y e rango di empleo?
- Ubicacion: unda bo clientenan ta biba y te na unda bo negoshi por yega?
- Saturacion di mercado: cuanto opcion similar tin caba pa e consumidornan?
- Suma: cuanto e clientenan potencial ya ta pagando pa e alternativanan aki?
Bo semper lo kier keda actualisa cu e tendencianan di mas nobo di empresa chikito. Ta importante pa bo tin un idea di e participacion den e mercado specificamente cu lo afecta bo ganashi.
Bo por haci investigacion di mercado uzando fuentenan existente of haci e investigacion riba bo mes y bay di biaha na e consumidornan.
Fuentenan existente por spaar bo hopi tempo y energia, pero e informacion lo no ta specifico pa bo audiencia manera cu bo ta desea. Usele pa contesta preguntanan cu ta general y cu ta cuantifica, manera tendencianan industrial, demografico y entrada domestico.
Door di acerca consumidornan y haci nan pregunta bo lo por haya un miho bista kende lo ta bo grupo obhetivo (target group) specifico. Pero investigacion directo por costa bo hopi tempo y placa. Usele pa contesta preguntanan specifico di bo negoshi of clientenan, manera reaccion na bo logo, mehoransa cu bo lo por haci pa cumpra experiencia y unda clientenan lo bay en bes di bo negoshi.
Aki tin algun metodo cu bo lo por uza pa investigacion directo:
- Encuesta
- Cuestionario
- Grupo di enfoke (Focus groups)
- Entrevistanan pa investigacion cualitativo
Uza analisis competitivo pa haya un mercado cu bentaha
Analisis competitivo ta yuda bo siña di e negoshinan cu ta competiendo pa bo clientenan potencial. Esaki ta e clave pa defini un bentaha competitivo pa genera ganashi duradero.
Bo analisis competitivo mester identifica bo competencia a base di liña di producto of servicio y segmento di mercado. Evalua e siguiente caracteristicanan di e paisahe competitivo:
- E parti di mercado cu bo tin (market share)
- Puntonan fuerte y debil
- Bo bentana di oportunidad pa drenta e mercado
- E importancia di bo grupo obhetivo (target group) pa bo competidonan
- Cualkier barera cu ta strobando bo pa drenta den e mercado
- Competidonan indirecto of secundario cu lo afecta bo exito
Varios industria lo por ta competiendo pa brinda e mesun mercado cu ta bo enfoke. Pesey bo mester diferencia bo analisis competitivo pa cada industria.
Tuma contacto cu IDEA pa haya nomber di algun business consultants certifica.
Scroll To Top
