Maneha bo negoshi
Prepara bo mes pa emergencia
Un desaster por bin den diferente forma y e costo financiero pa reconstrui despues di un desaster por ta alarmante. Bo lo por ta den un miho posicion pa recupera y continua cu e operacion di bo negoshi si acaso un desaster sosode.
Contenido
Sea prepara
Paso 1: Evalua bo riesgo
Tur negoshi tin su mesun vulnerabilidad y debilidadnan. Sabiendo cua desaster por ta mas probabel pa afecta bo negoshi, por yuda bo reanuda e operacionnan mas rapido. Un evaluacion por yuda bo evalua bo riesgonan di peliger comun manera horcan, candela (wildfires), inundacion (flooding), of asta atakenan di cyber.
Paso 2: Crea un plan
Bo plan di respuesta ta bo roadmap pa recuperacion, pesey e mester wordo adapta na e necesidadnan y actividadnan specifico di bo negoshi. E mester tin prioridadnan y mester ta accesibel facilmente. Cu checklist y sondeo online pa best practice, bo por traha un plan.
Paso 3: Ehecuta bo plan
Practica bo plan cu bo personal, pa ta cla ora cu un desaster sosode.
Plan di continuidad di bo negoshi (Business Continuity Plan)
Manteniendo bo cabes friu, traha den liña cu bo plan di continuidad comercial y comunica cla cu bo empleado y clientenan, pa brinda bo team confiansa y yuda e organisacion pa sigui ta exitoso.
Kico por haci a corto plaso
Instala un proyecto of un crisis team
Pa yuda centralisa e conocemento y informacion tocante e impacto riba bo negoshi.
Defini bo procesonan comercial critico
Pa bo por tin un idea di kico lo por pasa si empleadonan no ta disponibel pa conduci e procesonan aki y kico e alternativanan lo ta pa deal cu e asunto aki.
Conoce bo proveedornan y clientenan
Si acaso bo proveedor no por cumpli mas cu entrega na tempo di un mercancia pa bo cliente, bo mester por busca un otro proveedor cu si por cumpli cu e entregamento.
Comunicacion interno y externo:
- Interno: bo empleadonan, mester ta na haltura riba decisionnan tuma di maneho of proceduranan;
- Externo: bo clientenan y proveedornan, mester wordo informa tocante decisionnan tuma cu lo por tin un impacto riba nan.
Haci posibel cu bo empleadonan lo por traha na cas
Si acaso bin un calamidad of un pandemia, trabao mester por continua na cas, si ta posibel.
Contact Bureau Rampenbestrijding Aruba (BRA)
Wayaca 33-E
Oranjestad
Telefon: +297 588 0100
Email: [email protected]
Facebook: Burea-Rampenbestrijding-Aruba
