Lansa bo negoshi
Haya seguro di negoshi
Seguro pa negoshi ta proteha bo pa gastonan inespera cu por pasa den bo negoshi. Accidente, desaster natural, casonan legal cu por stop bo negoshi di draai si acaso bo no ta segura corectamente.
Contenido
- Scoge e tipo di seguro cu bo tin mester pa bo negoshi
- Algun tipo di seguro comun pa negoshi
- Cuater (4) pasonan pa cumpra un seguro pa bo negoshi
Scoge e tipo di seguro cu bo tin mester pa bo negoshi
E proteccionnan cu bo ta ricibi ora bo scoge un structura comercial manera un VBA, ta proteha bo pertenencianan personal solamente di demanda hudicial, pero hasta e proteccion aki ta limita.
Seguronan comercial por yena e buraconan aki y asina segura bo cu tanto bo pertenencianan personal y e pertenencianan di bo negoshi ta keda completamente protegi contra cualkier desaster inespera.
Den algun caso ta posibel cu bo mester tuma cierto tipo di seguro comercial pa ley.
Gobierno ta rekeri pa tur empresa cu tin personal mester tin un seguro di compensacion laboral, desempleo y incapacidad.
Semper ta bon pa informa na e companianan di seguro tocante e disponibilidad di seguronan adicional cu nan tin pa empleadonan.
Algun tipo di seguro comun pa negoshi
Despues cu bo cumpra seguro cu ley ta rekeri, bo por busca otro tipo di seguronan cu ta cubri otro riesgo comercial. Como regla general bo mester ta segura pa cosnan cu bo no por paga bo so.
Papia cu agentenan di seguro pa averigua cua tipo di cobertura ta necesario pa bo negoshi y compara e termino y prijsnan pa bo haya e miho oferta pa bo mes. Aki bao ta nota algun seguro comercial cu bo por busca.
| Aansprakelijkheidsverzekering/ Liability insurance | Seguro pa un tercera parti, si acaso un accidente pasa cu un persona den bo edificio. |
| Koopmangoederen verzekering/ Product insurance | Seguro pa mercancia of stocknan den bo negoshi. |
| Inventaris verzekering/ Inventory insurance | Seguro pa bo inventarionan, manera stoel, mesa, computer etc. |
| Opstal verzekering /Building insurance | Seguro pa candela y ladronicia. |
Cuater (4) pasonan pa cumpra un seguro pa bo negoshi
1. Evalua bo riesgonan. Pensa riba e tipo di accidentenan, desaster naturalnan of demanda hudicial cu lo por daña bo negoshi. Informa tocante esaki y haci bo escogencia na un compania di seguro pa nan por yuda bo evalua bo riesgonan y asina bo por segura cada aspecto di bo compania.
2. Busca un agencia autorisa cu un bon reputacion. E agentenan di un compania di seguro por yuda bo haya polisa cu ta adapta cu bo necesidadnan comercial. Nan ta ricibi comision di companianan di seguro ora cu nan bende polisa, pesey ta importante pa haya un bon agencia cu ta mes un interesa den bo necesidad mescos cu den su mes un necesidad.
3. Compara prijs. Prijsnan y beneficionan por varia hopi. Bo mester compara e tarifanan, e condicionnan y beneficionan di e ofertanan di seguro cu e diferente agencianan.
4. Reevalua tur aña. Manera cu bo negoshi ta crece, asina bo responsabilidadnan tambe ta crece. Si acaso bo a cumpra of reemplasa ekipo of a amplia operacionnan, bo mester tuma contacto cu bo agencia di seguro pa discuti e cambionan den bo negoshi y pa sa con nan a afecta bo cobertura.
