Haci bo negoshi legal

Registra bo negoshi pa haci esaki un entidad legal. Con pa registra y na unda mester sigui despues ta depende di e structura di bo negoshi y bo localidad.

Contenido


Registra Eenmanszaak via e website di Camara di Comercio

Ley ta bisa cu tur negoshi mester registra na Camara di Comercio. Un eenmanszaak semper ta cuminsa pa oficialisa su negoshi cu un registracion na Camara di Comercio. Esaki ta sosode online. E YouTube video aki ta mustra bo con pa crea un account.

Documentonan pa registra

Ta rekeri e siguiente documentonan pa registra un eenmanszaak: 

  • un identificacion valido, sea paspoort of cedula;
  • un papel di 5 florin di Censo (uittreksel di bevolkingsregister); y
  • un documento cu ta verifica adres di e negoshi:
  • si ta huur un localidad (adres comercial), e huurcontract of lease agreement ta suficiente.
  • si ta propiedad personal, mester entrega un acta di notario of hypotheekakte; tene na  cuenta cu e adres tin cu aparece den e documento y e documento mester ta firma.
  • si dicidi pa uza adres di cas pero bo persona no ta doño di cas, e ora mester di autorisacion di e doño di cas. Esaki tambe ta conta den caso cu ta huur e adres di residencia, mester di un declaracion di e doño di cas. E doño di cas den ambos caso mester firma cu e ta bai di acuerdo cu ta uza su adres como adres di negoshi y tambe mester entrega un copia di su ID valido (paspoort of cedula), conhuntamente cu e ultimo recibo di WEB, Elmar of telefon si esaki ta riba nomber di doño di cas, si no ta e caso un uittreksel di Censo.

Costo pa registracion

Costo pa registracion ta depende di e suma inverti den e negoshi. Si ta entre 0 – 25 mil florin, ta 96 florin. Bo por paga online cu credit card of via transferencia bancario, of bo por pasa na oficina pa haci e pago entre 8:00 am y 4:30 pm.

E ‘trade name’ lo wordo controla ora di registra, ta conseha pa tin mas opcion ya cu e nomber cu bo sugeri pa bo negoshi lo por wordo nenga. E nomber por wordo controla tambe online pa haya un aprobacion di Camara di Comercio prome cu registra e negoshi.


Registra Entidad Legal (VBA/NV/Fundacion/Asociacion) via Notario

Tur Entidad Legal (VBA/ NV/Fundacion/Asociacion) mester haci un acta pa lanta e negoshi (oprichtingsakte) na Notaris, prome cu cuminsa un negoshi. Ora esaki keda cla, notario mes ta inscribi e negoshi na Camara di Comercio. Aki bao ta sigui e informacion di contacto di e notarionan di Aruba:

Notary H.M. Rodriquez- Taekema
De La Sallestraat 60
+297 588 2400
[email protected]

Notary M.J.C. Tromp
Santa Cruz 35
+297 585 3500 | 585 7900
[email protected]

Notary Johnson
Italiëstraat 50, Orange Plaza
+297 280 9950 | 280 9949
[email protected]
www.johnsonnotary.com

Notary Yarzagaray
L.G. Smith Boulevard 20
+297 582-2850 | 585 4390
[email protected]
www.notarisaruba.com

Notary Helmeyer
Schotlandstraat 38, Unit 2
+297 280 2020 | 280 2028
[email protected]
www.notarishelmeyer.com

NewLeaf Notary
J.E. Irausquin Blvd 22
+297 280 0233 | 280 0244
[email protected]
www.newleafaruba.com


Permiso pa establece negoshi na DEACI

Aplicacion digital na DEACI

Un permiso pa establece negoshi conforme e ‘Vestigingsverordening Bedrijven’ ta necesario den algun caso. Despues di september 2020, tur peticion pa un permiso di negoshi mester bay den forma digital. Pa por haci esaki, mester bay riba e website www.deaci.aw. Aki bo ta haya tur informacion con pa aplica pa un permiso di negoshi (‘License Application’).

Ki ora bo NO mester aplica pa un permiso di negoshi

EENMANSZAAK, VOF of gerente di un entidad solamente si acaso:

  • bo ta naci na Aruba y bo tin nacionalidad Hulandes; of
  • si bo a naturalisa Hulandes na Aruba y ta mayor di 18 aña.

Ki ora SI bo MESTER aplica pa un permiso di negoshi

  • EENMANSZAAK, VOF of gerente di un entidad:
  • bo ta naci na Aruba pero bo NO tin nacionalidad Hulandes; of
  • bo NO ta naci na Aruba pero bo tin nacionalidad Hulandes, pero NO naturalisa Hulandes na Aruba; of
  • bo NO ta naci na Aruba y bo tin otro nacionalidad.
  • Pa un persona huridico (rechtspersoon) of un persona natural (natuurlijke persoon) cu ta desea cuminsa un entidad legal manera Sociedad Colectivo (Vennootschap onder firma VOF), Sociedad Anonimo (NV), Sociedad Responsabilidad Limita (VBA), of un Permiso di Gerencia mester acudi na Departamento di Asunto Economico, Comercio y Industria (DEACI).
  • Si a caso bo kier haci cambio den e puntonan aki riba A of B, por haci esaki via e website di DEACI.

Registra na Departamento di Impuesto (DIMP)

Persoonsnummer

Unabes cu bo registra e compania na Camara di Comercio y den algun caso a haya un permiso di negoshi di DEACI, mester registra esaki na Departamento di Impuesto (DIMP) tambe pa haya un persoonsnummer.

E formulario di registracion di un negoshi mester wordo yena hunto cu un comprobante di identificacion (rijbewijs, paspoort of cedula) di e director, comprobante di registro na Camara di Comercio, vestigingsvergunning, statutonan, oprichtingsakte di notario y cualkier otro documento di e empresa manera acuerdo di colaboracion.

Portal Digital pa Comercio

Mester scan tur e documentonan y manda nan pa DIMP via e-mail [email protected]. Ta importante pa inclui un number di telefon y nomber di e persona di contacto. Bo lo ricibi bo persoonsnummer via e-mail. Pa registra bo compania pa e online portal di DIMP: ‘BO impuesto’ (of BOi) mester haci un cita via www.impuesto.aw. E cita lo sosode via telefon.

Despues di registra e compania pa BOi, bo lo ricibi e credencialnan pa log in. Pa facilita abo como comerciante, DIMP a introduci na 2020 e portal digital Boi, pa asina bo por cuminsa haci bo declaracionan mensual, manera loonbelasting, BBO/BAVP/BAZV via e portal den comodidad di bo oficina of cas.

Tuma nota

Departamento di Impuesto (DIMP) ta den proceso di digitalisacion y lo bin cambionan den e dunamento di servicio pa asina por garantisa bo un servicio maximo. Ta recomendabel pa sigui e canalnan di informacion di DIMP: impuesto.aw, Facebook y YouTube Departamento di Impuesto, ‘BO impuesto’ app, door cu constantemente tin informacion nobo ta wordo publica. Si cliente tin pregunta of ta desea mas informacion, e por yama tambe na 522 7423 of 522 7424 (informacion general) of 522 7437 (informacion pa cu e portal BOi).

Por tuma contacto cu Departamento di Impuesto (DIMP)

Camacuri 2
Oranjestad
Telefon: +297 522 7423 | 522 7424
Website: www.impuesto.aw
E-mail: [email protected]

Scroll To Top