Lansa bo negoshi
Habri cuenta bancario
Habri un cuenta di banco pa bo negoshi ta necesario ora cu bo ta cla pa cuminsa ricibi of saca placa di bo negoshi. Un cuenta di banco di negoshi lo yuda bo pa keda legalmente obediente y protegi. Tambe e ta beneficia bo cliente y empleadonan.
Contenido
- Tipo di cuenta di banco
- Beneficio di cuenta di banco pa negoshi
- Busca un cuenta cu tarifanan abao y cu bon beneficio
- Banconan comercial na Aruba
Tipo di cuenta di banco
E cuentanan di banco pa negoshi comun ta:
- Cuenta coriente
- Cuenta di spaar
- Cuenta di creditcard
- Cuenta di servicio comercial
E ultimo cuenta aki ta permiti bo acepta transaccionan di credit y debit card di cliente.
Beneficio di cuenta di banco pa negoshi
- Proteccion: E ta ofrece proteccion limita pa responsabilidad personal door di mantene bo fondonan comercial separa for di bo fondonan personal. Servicio comercial (merchant services account) tambe ta ofrece proteccion di compra pa su clientenan y ta garantisa cu informacion personal ta keda segura.
- Profesionalismo: E clientenan por paga bo cu credit card y por paga na bo negoshi en bes di paga directamente na bo persona. Ademas bo persona por autorisa bo trahadonan pa maneha e tareanan bancario cu sa bay diariamente den nomber di e negoshi.
- Preparacion: Banconan comercial hopi biaha sa ofrece e posibilidad pa tin un liña di credito pa negoshi. Esaki por wordo uza den caso di emergencia of si bo negoshi mester di aparato nobo.
- Poder di compra: Un cuenta di credit card por yuda bo cumpra hopi cos na inicio di bo negoshi y por yudabo establece un historia di credito pa bo negoshi.
Busca un cuenta cu tarifanan abao y cu bon beneficio
Tin negociante cu ta habri un cuenta comercial na e mesun banco cu e tin su cuenta personal. Tarifanan, pagonan adicional y opcionnan cu ta varia di un banco pa otro, ta pesey ta hopi importante pa sondea prome cu haci bo escogencia. Scoge esun cu tarifanan mas abao y cu ta duna bo e mihor beneficio.
Tene cuenta cu lo siguiente ora di habri un cuenta di negoshi of di spaar:
- Ofertanan na lansamento
- Interes pa cuenta di spaar
- Interes pa liña di credito
- Costo di transaccion
- Costo di cancelacion prome cu e tempo stipula
- Tarifa minimo pa cuenta
Banconan comercial na Aruba
Caribbean Mercantile Bank NV (CMB)
