Prome cu por (sigui) construi, DOW mester controla:

• Rooilijn
  Ora caba di marca e proyecto riba e tereno, mester entrega e carchi blanco na loket di DOW pa haci e control di marcacion;
• Fundeshi
  Despues cu haya aprobacion di marcacion por coba fundeshi y pone hero. Ora tur hero ta poni den fundeshi mester yama DOW pa haci control di hero;
• Ringbalk
  Ora yega ringbalk mester yama DOW pa pasa controla e heronan di ringbalk despues cu tur hero riba e muraya ta cla mara. Si acaso e heronan ta cera cu formaleta prome cu DOW controla, mester percura pa tin un bon trapi pa por subi controla;
• Construccion di mas piso
  Si e construccion ta mas cu un piso, mester yama pa controla e heronan di e siguiente pisonan ora cu esaki ta cla mara. Despues mester yama pa controla e hero di ringbalk(nan) pa e siguiente piso(nan) tambe ora cu esaki ta cla.

Exigencia pa construi un edificio comercial

• E tereno mester ta tereno propio of tereno erfpacht comercial;
• E destinacion mester ta di acuerdo cu e ROP/ROPV vigente y conforme e acuerdo di erfpacht (si esaki ta aplicabel);
• Mester tin un caminda oficial dilanti di e tereno, cual mester ta aproba pa DOW;
• Mester tin un parkeerplaats conforme e normanan di parkeo di DOW;
• E parkeerplaats mester tin un grandura aproximadamente di 2.50m x 5.50m;
• Pa localidadnan cu mester di un permiso manera menciona den Articulo 10 te cu 18 di e ‘Vergunningsverordening’ (hotel-, koffiehuis-, sociëteits-, grossiers-, slijt-, bierhuis, logement-, restaurant- of ijshuisvergunning) mester tene na cuenta e exigencianan describi den e ‘Vergunningsbesluit’; Directie Wetgeving en Juridische Zaken (DWJZ) ta otorga e permisonan aki;
• Uzo di material di construccion alternativo of nobo mester wordo aproba door di Brandweer. Den caso cu mester importa material, ta consehabel pa confirma cu DOW si e material nan aki por wordo importa.

Documento cu mester entrega pa aplica pa un peticion pa construi un edificio comercial

• Mapa di e edificio comercial (bestektekening) 4 copia;
• Mapa di Plan di Ubicacion (situatietekening) 4 copia;
• Mapa di hero y nan calculonan (constructie tekening en berekening) 2 copia;
• Acto di Notario of un Decreto Ministerial (1 copia);
• Un medio di identificacion (1 copia);
• Formulario di DOW (bouwaanvraag) yena. E permiso di construccion mester wordo haci door di e doño di e tereno of a base di un autorisacion;
• Formulario di D.T.I. yena;
• Un suma di Afl. 200,-.

E procedura pa haya un permiso pa construi un edificio comercial

• Despues cu caba di entrega e peticion, ta ricibi un prueba (indieningsbewijs) cu number di e permiso di construccion;
• E peticion lo bai pa e ‘welstandscommissie’;
• Despues di esaki lo sigui un procedura den DOW y otro departamentonan si ta necesario (e.o. Brandweer);
• E procedura lo tuma un tempo di mas o menos 8 siman pa edificio comercial. E procedura lo dura mas tempo si mester haci y entrega cambionan.

Gasto concerni pa haya un permiso

Ora entrega e peticion, mester paga e suma di Afl. 200,- pa por tuma e peticion den proceso.
Prome cu e permiso di construccion por wordo otorga, mester paga contribucion (leges) cu ta wordo calcula a base di e balor di construccion.

Permiso pa companianan di construccion of mantencion

Pa por eherce trabounan di construccion of mantencion mester di un ‘Bouwhervattingvergunning’. Pa por haci un peticion pa e permiso aki mester registra riba e website di DOW:

• Aplicante por ta un persona natural (natuurlijk persoon) of  un compania (rechtspersoon);
• Mester yena e formulario di registracion. A base di e tipo di proyecto mester  scoge entre woningbouw, comercial of otro;
• Pa yena y entrega e formulario mester tin tambe:
• extracto recien di Camara di Comercio (KvK uittreksel)
• persoonsnummer di compania
• copia di permiso di construccion
• lista di empleado(nan) y/of esnan cu ta bay yuda traha ariba e proyecto.
• Mester di copia di identificacion di cada persona.

Normanan di parkeo

Funcion: oficinanan

Funcion: tienda cu ta bende por detaya (retail stores)

Funcion: edificio y facilidadnan publico

Funcion: edificionan di horeca

Funcion: industria, edificio y transporte

Remarca:
Ppl.: lugar di parkeo
Bvo: e grandura bruto den m2 di e suela
Arb.pl.: puesto di trabou

Tuma Nota:

• No tin exigencia pa parkeo den cercania di centro di Oranjestad y San Nicolas.
• No ta permiti di traha un edificio comercial riba un tereno erfpacht destina pa construccion di vivienda, pasobra e ta trece molester pa e caretera y lugarnan publico. Departamento di Infrastructura y Planificacion (DIP) tin terenonan reserva specialmente pa actividadnan comercial.

Pa mas informacion tocante peticion pa permiso pa construccion por tuma contacto cu afdeling Toezicht di DOW.
Pa mas informacion tocante peticion pa ‘Bouwhervattingvergunning’ por tuma contacto cu secretaria di DOW.

Operacion di maneho (Exploitatie, bedrijfsvoering)

• Esun cu tin e permiso (e vergunninghouder) ta responsabel pa e otro permisonan rekeri pa actividadnan di watersport na e sitio.
• E vergunninghouder mester sera un aansprakelijkheidsverzekering cu un validez durante ful e periodo cu a ricibi e permiso. E seguro mester cubri tur dañonan di material y daño cu a sosode cu e curpa di e personal durante maneho di e trabao, pa cual e permiso a wordo otorga.
• E ehecucion of e ehecucion di e actividadnan no mag di causa molester y/ of peliger.
• E permiso ta personal y intransferibel. En todo caso ta prohibi pa duna, bende of huur e permiso di precario.
• Si acaso tin un director of operador nobo, den e operacion di e negoshi, mester informa DIP di esaki por escrito inmediatamente.
• E vergunninghouder ta responsabel pa e conducta y e accionnan di su operacionnan y/of trahadonan y si acaso nan no ta tene nan mes na e condicionnan, esaki lo wordo treci dilanti na e vergunninghoudernan cu tur consecuencia legal.
• E vergunninghouder y su operadornan/ y/ of trahadonan mester comporta nan mes moralmente (bon) durante trabao.
• E vergunninghouder mester mantene e parcela den un condicion adecua.
• Dañonan cu a wordo causa door di e uzo/explotacion di e vergunninghouder of door di un di su operadornan of trahadonan, na e playa of medio ambiente mester wordo drecha na e situacion original. E vergunninghouder lo mester paga pa tur e costonan di e restauracion.
• E vergunninghouder semper mester tuma medidanan preventivo pa evita dañonan na e lama (playa) publico of medio ambiente.
• E parcela di tereno cu precario a wordo brinda na bo persona, mester wordo mantene na su estado original. No mag di pone vloer etc.
• No mag di pone promocion, propaganda of otro obhetonan comercial, manera borchi di sandwich, bandera di lama, banners etc. na e parcela cu bo a haya permiso di precario. Esaki no mag ni paden y ni pafo di e parcela.
• Necesidadnan pa watersport, entre otro zwemvesten, watersport ‘tubs’, ‘bananaboats’, kajaks, ‘paddleboats’ etc. cu no ta wordo uza tin cu wordo warda ordena den e parcela cu e permiso di precario a wordo brinda.
• E playa/ lama ta publico, y mester keda na tur momento accesibel pa publico, pues esaki no mag di wordo blokia na niun momento.
• Riba e playa, un strepi di por lo menos 10 meter desde e liña di flotacion tin cu keda habri
• E libertad di e trafico y e pasaheronan riba e playanan/ lama na niun momento no mag di wordo stroba of wordo treci den peliger.

Condicionnan excepcional pa e uzo di lama pa watersporters

1. E demanda di materialnan di watersport como muestra riba sitio di dominio pa cua e precario a wordo brinda, mester pasa riba un ‘corridor/ pasillo’ habri of via un strepi habri riba lama entre e zona di landamento.
2. E permiso ta cubri actividadnan di watersport cu ta permiti pa tin e luga habri entre 7:00 am pa 7:00 pm.
3. No ta permiti pa laga atras e ekiponan di watersport cu no ta wordo uza entre 7:30 pm te 6 am.
4. E vergunninghouder ta obliga pa kita tur e ekiponan di watersport cu no ta wordo uza prome cu 7:30 pm for di lama. Esaki mester wordo warda den e espacio cu e precario a wordo otorga.

Condicionnan excepcional pa stoelnan di lama y parasolnan

1. Por ofrece e uzo di stoelnan di lama y parasolnan/sombra solamente na e sitio cu precario a wordo otorga.
2. Solamente ta permiti pa ofrece stoelnan di lama y parasolnan/sombra entre 6:00 am pa 7:30 pm.
3. Solamente stoelnan di lama y parasolnan/sombra cu ta wordo uza ta permiti pa keda riba beach.
4. Stoelnan di lama y parasolnan/sombra cu no ta wordo uza ta wordo poni riba otro y warda den e espacio cu e precario a wordo otorga.
5. E stoelnan di lama y parasolnan/sombra cu ta wordo ofreci mester ta di calidad halto, y mester pas cu e feeling di e beach y no mag di tin nada di propaganda of logo’s.
6. E parasolnan mag di tin solamente 1 pia. Mas pia of otro tipo di parasol no ta permiti (manera tent di fiesta).
7. E parasolnan ofreci mester por wordo paketa y/of wordo lora na cada momento
8. E demanda pa materialnan di watersport como muestra riba sitio di dominio pa cua e precario a wordo brinda, mester pasa riba un ‘corridor/ pasillo’ habri of via un strepi habri riba lama  entre e zona di landamento.
9. E permiso ta cubri actividadnan di watersport  cu ta permiti pa tin e luga habri entre 7:00 am pa 7:00 pm.
10. No ta permiti pa laga atras e ekiponan di watersport cu no ta wordo uza entre 7:30 pm te 6 am.

Condicionnan excepcional pa (Jetski luga pa busca y bende)

1. E localidad ta solamente destina pa benta y e punto unda clientenan por pasa busca nan jetski.
2. E jetskinan ta keda durante e oranan di operacion di 7:00 am te cu 7:00 pm di e compania di watersport, riba lama staciona.
3. No ta permiti pa staciona jetski riba lama of pa nabega for di e playa drenta den lama
4. E huurmento di necesidadnan di lama manera stoelnan di lama y parasolnan no ta permiti na e localidad.
5. Cu excepcion di zwemvesten (life jackets), no tin mag di display niun ekipo di watersport. E zwemvestnan mester ta colga netchi bao di bo cabana.

Condicionnan excepcional pa (benta/P-spot sin actividadnan di watersport)

1. E P-spot ta destina solamente pa benta di articulonan di watersport. No ta permiti pa haci actividad di watersport desde e P-spot.
2. No ta permiti pa pone material/ stoel of parasolnan di watersport riba e P-spot.
3. E benta di actividadnan di watersport ta solamente permiti desde 7:00 am te cu 6:30 pm.

Huurgrond

Desde maart 2020, DIP kier motiva comunidad completo pa cuminsa planta, pa yuda stabilisa nos siguridad di cuminda (food security). Desde e tempo ey, un team di DIP a cuminsa traha riba varios ‘verkavelings-plannen’ pa asina brinda un oportunidad pa mas hende ricibi un pida tereno pa planta, pero tur esaki conforme e maneho y ley di ROP / cROPVDIP.
Un ehempel di e districtonan cu hendenan ta desea di planta ta: Sta.Cruz, Savaneta y Noord. Esaki ta e districtonan cu mas peticion pa planta. Mester tene cuenta cu tin scarsedad di tereno, pero asina mes e team di DIP ta trahando duro pa aloca mas tereno unda ta posibel pa hendenan planta.

Pa tur hende cu ta interesa den un tereno huurgrond mester re-inscribi of inscribi y e procedura di inscripcion huurgrond (sector primario) ta lo siguiente:

• Mester yena e formulario di inscripcion completo, sino e no ta wordo tuma den consideracion;
• Percura pa tin tur documento rekeri den bo poder;
• Paga Afl. 35,- via online banking y percura pa un prueba di pago;
• Si bo persona a cumpli cu e criterionan di inscripcion, DIP lo tuma contacto cu bo persona, pa confirma e validez di bo inscripcion;
• Peticionario ta responsabel pa warda e prueba di inscripcion, ta posibel pa print out esaki despues di yena e formulario.