Planea bo negoshi
Cumpra un compania existente of franchise
Cuminsa un negoshi for di cero por trece hopi reto cune. ‘Franchising’ of cumpra un negoshi existente por simplifica e proceso di planificacion inicial.
Contenido
- Sa e diferencia entre ‘franchising’ y cumpra un negoshi
- Ta cla pa cumpra bo ‘franchise’ of bo negoshi
Sa e diferencia entre ‘franchising’ y cumpra un negoshi
Prome cu bo dicidi si un di e opcionnan aki ta bon pa bo, wak pa bo sa e informacion basico di ‘franchising’ y di cumpra un negoshi existente. E mayor diferencia entre ‘franchising’ y cumpra un negoshi existente, ta e nivel di control cu bo lo tin di bo negoshi.
‘Franchising’ ta duna mas guia pero menos control
Un ‘franchise’ ta un modelo di negoshi caminda un doño di negoshi (“franchisor”) ta bende e derecho di su negoshi, e logo, nomber y modelo na un entrepreneur independiente (“franchisee”). Restaurantnan, hotelnan y negoshinan di servicio ta comun pa ‘franchise’.
Dos forma comun di ‘franchising’ ta:
Producto/ handelsnaam franchising
E ‘franchisor’ ta e doño y tin derecho di e nomber of ‘trademark’ di e negoshi, y ta bende e derecho pa uza e nomber y e ‘trademark’ na un ‘franchisee’. E sistema di ‘franchising’ aki normalmente ta focus riba ‘supply chain management’. Normalmente e productonan ta wordo fabrica of suministra door di e ‘franchisor’ y ta wordo entrega na e ‘franchisee’ pa bende.
‘Franchising’ den structura comercial
E ‘franchisor’ y ‘franchisee’ tin un relacion continuamente. E estilo di ‘franchising’ aki normalmente ta enfoca riba ‘full-spectrum business management’. Generalmente e ‘franchisor’ ta ofrece servicio manera seleccion di site, training, suministro di productonan, plan di marketing y ta hasta yuda pa haya fondo.
Ora bo cumpra un ‘franchise’, bo ta haya e derecho pa uza e nomber, logo y productonan di un marca mas grandi. Bo lo hasta haya beneficio di reconocemento di marca, e promocionnan y e marketing. Esaki kiermen cu tambe bo mester sigui cu e reglanan di e marca mayor tocante con bo ta maneha bo negoshi.
Cumpra un negoshi existente ta duna bo mas control pero menos guia
Cumpra un negoshi existente ta exactamente con e ta zona. E cumprado ta bira ful doño di e negoshi cu e ta cumpra. E bentaha di mas grandi ta cu bo tin un plan existente cu bo lo por inclui factornan importante, manera un base di cliente cu ya ta estableci, gastonan cu ta definitivo y operativo y empleadonan completamente capacita.
Independientemente di e tipo di negoshi, bo por cumpra of bende practicamente cualkier tipo di negoshi.
Ora bo cumpra un negoshi existente, normalmente bo ta haya ful e control di e direccion cu bo kier e bay. Sin un vision, un infrastructura of un guia externamente estableci, bo lo haya dificultad pa regla con ta e miho manera pa maneha bo negoshi.
Ta cla pa cumpra bo ‘franchise’ of bo negoshi
Unabes bo haya un ‘franchise’ of un negoshi pa cumpra, ta importante pa haci un investigacion profundo.
Den e etapa aki, kisas bo lo desea un ayudo profesional. Considera pa contrata un abogado y un accountant. Hunto nan lo por yuda bo pa crea y evalua documentonan importante cu normalmente ta inclui:
- Carta di intencion
- Acuerdo confidencial
- Contract y lease nan
- Estado financiero
- Declaracion di impuesto
- Acuerdo di benta
- Ahustacion di prijs di compra
- Etc.
