Home > Maneha bo negoshi > Paga impuesto

Paga impuesto

E structura di bo negoshi lo influencia cua tipo di impuesto bo negoshi lo mester paga.

Contenido

Inkomstenbelasting (IB) – (Impuesto riba entrada)

Un eenmanszaak of un VOF mester paga inkomstenbelasting y su tarifa pa pago di impuesto ta depende di su entrada.

Otro obligacionnan di IB:

  • Mester entrega declaracion (aangifte);
  • Lo ricibi cobransa (aanslag);
  • Lo mester paga ora cu tin ganashi;
  • Obligatorio: e cuenta anual ta basa riba e sistema di factura (factuurstelsel).

Winstbelasting (WB) – (Impuesto riba ganashi di compania)

Un NV, VBA of un otro persona huridico (rechtspersoon), mester paga winstbelasting. Desde 2016 ta paga e tarifa di 25% impuesto riba ganashi di compania.

Otro obligacionnan di WB:

  • Mester entrega declaracion (aangifte) di su compania;
  • Mester paga mesora ora entrega su aangifte;
  • Obligatorio: e cuenta anual ta basa riba e sistema di factura (factuurstelsel);
  • Tin un diferencia entre: un declaracion provisional (voorlopige aangifte) y un declaracion definitivo (definitieve aangifte).

Diferencia empresa propio y persona huridico pa cu e director

  • Empresa propio: e director (of su casa) no ta den servicio di e empresa
  • Persona huridico: e director ta den servicio di e empresa y lo mester paga loonbelasting y e primanan social (director ta empleado di e empresa)

Director di un persona huridico (rechtspersoon)

  • Si e ta den servicio e ta paga loonbelasting y e primanan social
  • Si e no ta den servicio tin distribucion di ganashi (winstdeling) ora e saca placa for di e negoshi
Eenmanszaak (empresario propio) NV/VBA
Inkomstenbelasting (IB) Winstbelasting (WB)
Belasting % ta basa riba e tabel di IB Belasting % ta 25%
Den caso di bay failliet; por tuma beslag ariba tur bo bienes (cas, auto etc.) No tin distincion di bienes di loke ta pertenece na e negoshi of na e empresario Den caso cu e compania bay failliet; beslag lo wordo tuma prome riba loke ta di e negoshi. Si despues cu esaki no ta suficiente un director por wordo poni responsabel pa e debe cu a resta di e compania
Pa cuminsa cu un eenmanszaak no mester di un acta di notario Pa cuminsa un NV/VBA mester bay notario pa un acta di notario

Regla special cu ta tanto pa eenmanszaak y NV/VBA

Suma deducibel pa inversion (investeringsaftrek)

Inversion > Awg. 5000,-
Deducibel: 6% di inversion

Compensacion pa perdida (verliescompensatie)

Te cu 5 aña atras

BBO/ BAVP/ BAZV – (Impuesto riba volumen di benta)

  • BBO/ BAVP/ BAZV ta pa tur negociante cu ta bende producto y/ of servicio na Aruba.
  • BBO/ BAVP/ BAZV ta wordo calcula a base di bo entradanan ricibi (kasstelsel) riba bendemento di producto y/ of servicio.

E tarifa cu tin cu wordo aplica desde 1 di jul 2018 ta lo siguiente:

  • BBO 1,5%
  • BAVP 1,5%
  • BAZV 3%
  • E comerciante ta responsabel pa haci declaracion tur luna.
  • Mester entrega e declaracion y haci e pago di belasting no mas tarda cu dia 15 di e siguiente luna.
  • Companianan cu ta dispensa (vrijgesteld) di BBO/BAVP/BAZV tin obligacion pa haci aangifte tur luna. Subi e siguiente link

Loonbelasting (LB) – (Impuesto riba salario)

Loonbelasting ta un impuesto directo. E empleado ta e contribuyente y ta paga su belasting. E empleado ta paga su belasting su mes. Esaki ta pasa via di su salario. Esaki ta wordo deduci for di su salario. E doño di trabao ta fungi como un funcionario fiscal (onbezoldigde belastingambtenaar) y ta paga e suma aki na belasting.

Loonbelasting
Cambio di ley di loonbelasting desde 1 jan 2019

  2018 2019 2020
Belastingvrije som Awg. 20.455,- Awg. 27.751,- Awg. 28.861,-
Tariefgroep 2 grupo di tarifa a base di cada situacion 1 grupo di tarifa 1 grupo di tarifa
Inkomensschijven 14 schijven 4 schijven 4 schijven

Primanan social (AOV/ AWW y AZV)

Banda di Loonbelasting (LB), primanan social (AOV/AWW y AZV) tambe ta wordo kita for di e salario di e empleado. E loonheffing, manera tur hunto ta wordo yama, ta wordo paga door di e doño di trabao den un solo suma na Departamento di Impuesto.

Calculacion di primanan, AOV/AWW y AZV:

Tabel AOV/AWW:

Retencion di impuesto (inhoudingsplichtige)

E limite di prima (Premiegrens) Awg. 85.000,-  
E prima maximo (Maximumpremie) Awg. 13.175,- 15.5%
E parti di e dunado di trabou (Werkgeversdeel) Awg. 8.925,- 10.5%
E parti di e trahado (Werknemersdeel) Awg. 4.250,-   5.0%

Independiente

E limite di prima (Premiegrens) Awg. 85.000,-  
E prima maximo (Maximumpremie) Awg. 13.175,- 15.5%
Tabel AZV:

Retencion di impuesto (inhoudingsplichtige)

E limite di prima (Premiegrens) Awg. 85.000,-  
E prima maximo (Maximumpremie) Awg. 8.925,- 10.5%
E parti di e dunado di trabou (Werkgeversdeel) Awg. 7.565,-   8.9%
E parti di e trahado (Werknemersdeel) Awg. 1.360,-   1.6%

Independiente

E limite di prima (Premiegrens) Awg. 85.000,-  
E prima maximo (Maximumpremie) Awg. 8.925,- 10.5%

E calculacion di prima di AOV/ AWW y AZV ta wordo haci a base di e entrada di prima (premie-inkomen).

E premie-inkomen ta e salario na kitamento di:

  • Costonan di adkisicion (verwervingskosten) (3% cu un maximo di Awg. 1.500,-)
  • Contribucion di e trahado na fondo di pensioen (werknemersbijdrage pensioenfonds)
  • Total di contribucion na fondo di spaar y provision (5% cu un maximo di Awg. 3.360,-)

Un ehempel di un calculacion:

  • Entrada bruto pa luna di Awg. 8.000,- y ta cay den grupo di tarifa 2 (tariefgroep 2)
  • E entrada di prima (premie-inkomen) ta (12 x 8.000,-) Awg. 96.000,-
  • No tabata tin vakantiegeld, 13-de maand etc.

Ehempel di un calculacion di e parti di e doño di trabao (wergeversdeel):

Prima AOV/ AWW:
  • 10,5% di Awg. 85.000 = Awg. 8.925,-
  • E suma di Awg. 85.000,- ta e suma maximo pasobra e entrada di prima (Awg. 96.000,-) den e caso aki ta mas halto cu e limite di prima (premiegrens) di Awg. 85.000,-
  • Pa luna e dunado di trabao mester paga su parti 1/12, cual ta Awg. 743,75
Prima AZV:
  • 8,9% di Awg. 85.000 = Awg. 7.565,-
  • E suma di Awg. 85.000,- ta e suma maximo pasobra e entrada di prima (Awg. 96.000,-) den e caso aki ta mas halto cu e limite di prima (premiegrens) di Awg. 85.000,-
  • Pa luna e dunado di trabao mester paga su parti 1/12, cual ta Awg. 630,42

Ehempel di un calculacion di e parti di e trahado (wernemersdeel):

Prima AOV/ AWW:
  • 5,0% di Awg. 85.000 = Awg. 4.250,-
  • E suma di Awg. 85.000,- ta e suma maximo pasobra e entrada di prima (Awg. 96.000,-) den e caso aki ta mas halto cu e limite di prima (premiegrens) di Awg. 85.000,-
  • Pa luna e dunado di trabao mester paga su parti 1/12, cual ta Awg. 354,17
Prima AZV:
  • 1,6% di Awg. 85.000 = Awg. 1.360,-
  • E suma di Awg. 85.000,- ta e suma maximo pasobra e entrada di prima (Awg.96.000,-) den e caso aki ta mas halto cu e limite di prima (premiegrens) di Awg. 85.000,-
  • Pa luna e dunado di trabao mester paga su parti 1/12, cual ta Awg. 113,33
NOTA

E dunado di trabao ‘Inhoudingsplichtige’ mester paga na DIMP su parti di (werkgeversdeel) y e parti di trahado (werknemersdeel):

Premie AOV/AWW (743,75 + 354,17) = 1.097,92/ afgerond Awg. 1.097,-
Premie AZV (630,42 + 113,33) = 743,75/ afgerond Awg. 743,-
Premie total (1.097,- + 743,-) = Awg. 1.840,-

Verzamelloonstaat y Verzamelstaat opgaaf derden

  • Mester wordo entrega anualmente, tur aña y pa e aña anterior. Si no entrega esaki lo ricibi un boet cu por bay te cu Awg. 10.000,-
  • Verzamelloonstaat ta unda ta declara tur informacion di tur e gastonan (salario, prima social di payroll pa cada persona di full e aña anterior)
  • Verzamelstaat opgaaf derden ta unda ta declara tur e informacion di tur gasto cu un compania ta haci cu no ta relata na un contrato di trabao cu un persona individual bao di un ‘dienstbetrekking’

Online portal ‘Bo impuesto’ (BOi)

BOi ta e portal na unda comerciantenan por entraga formulario di impuesto mensual completamente digital. Algun di e formularionan cu por entrega ta lo siguiente:

  • Aangifte di BBO/ BAVP/BAZV, loonbelasting
  • Verzamelloonstaat;
  • Verzamelstaat opgaaf derden;

E servicionan aki ta wordo brinda di dialuna pa diadomingo di 7:00 pa 23:00.
E-mail ta: [email protected]
Telefon: 522-7437

Pa informacion mas detaya por subi e website di BOi.

Tips

  • Busca un bon administrado (boekhouder) pa tene bo administracion na ordo
  • Ora bo ricibi un carta di belasting, habri esaki bo mes pa lesa e contenido prome cu entreg’e na bo consehero (accountant)
  • Warda e bukinan (administracion) pa 10 aña
  • Semper yena e aangiftenan y entrega nan na tempo
  • Ora di haci pago online corda pone e betalingskenmerk corectamente den e descripcion!
  • Pa informacion mas detaya por subi e website di DIMP.
Contact Departamento di Impuesto (DIMP)

Camacuri 2
Oranjestad

Telefon: +297 522 7423
Website: www.impuesto.aw
Email: [email protected]
Facebook: IMPUESTOARUBA

Scroll To Top