Maneha bo negoshi
Marketing y benta
Traha un marketing plan pa convence e consumidonan pa cumpra bo productonan of servicionan, y despues bo lo dicidi con bo lo acepta e pago ora di realisa un benta
Contenido
Traha un marketing plan
Marketing ta tuma tempo, placa y preparacion. Un di e miho maneranan pa keda riba schedule y den e budget ta pa traha un marketing plan. E ta describi e accionnan cu bo mester tuma pa bo logra haya clientenan potencial pa cumpra bo productonan of servicionan.
Bo business plan mester contene e elementonan central di bo strategia di marketing. Bo marketing plan ta bira bo strategia den accion.
Uza e seccionnan aki den bo marketing plan
Mayoria marketing plan ta cubri e topiconan aki. Manera semper uza loke cu ta traha miho pa bo negoshi.
Mercado di enfoke (Target market)
Describi bo audiencia den detaye. Observa e tamaño, demografia, e caracteristicanan uniconan y e tendencianan di e mercado cu tin relacion cu e demanda di bo negoshi.
Bentaha competitivo
Describi kico ta duna bo producto of servicio un bentaha riba esun di e competencia. Kisas e lo ta un producto miho, e prijs ta mas barata of un experiencia excelente pa e cliente. Tin biaha un certificacion ecologico of den bo label cu ta para, ‘made in Aruba’, por ta un factor importante pa e clientenan.
Plan di benta
Describi literalmente con bo lo bende bo servicio of producto pa bo clientenan. Menciona e metodonan di benta cu bo lo uza manera retail, wholesale of bo mes un tienda online. Splica cada paso cu bo clientenan lo tuma unabes cu nan dicidi pa cumpra.
Marketing y metanan di benta
Describi bo marketing y metanan di benta pa e siguiente aña. Marketing comun y metanan pa bende ta pa aumenta e email suscritonan, aumenta participacion den mercado (market share) of hisa e benta cu cierto porcentahe.
Plan di accion di Marketing
Describi con bo lo logra bo marketing y metanan di benta. Menciona e canalnan di marketing cu bo lo uza, manera publicidad online, propoganda pa radio of billboards. Splica bo strategia di prijs y con bo lo uza promocionnan. Pensa y describi tocante e sosten di e clientenan despues di e benta.
Presupuesto (Budget)
Inclui un descripcion (breakdown) completo di e gastonan den bo marketing plan. Purba di ta mas exacto cu ta posibel. Bo lo kier sigui monitor bo gastonan unabes cu bo pone bo plan den accion.
Planea pa compara bo gastonan di marketing banda di e benta cu ta genera ganashi pa e negoshi. Bo kier ta sigur cu bo ta haya un return on investment (ROI) positivo.
Algun tactica ta dificil pa midi – manera publicidad cu ta geprint of ‘word-of-mouth campaigns’. Bira creativo y uza conseho di otro, pero sea consistente con bo ta midi e efectonan di bo esfuersonan di marketing.
Un marketing plan mester wordo mantene cada aña. Midimento di e return on investment (ROI) lo yuda bo pa sa cua parti di e plan ta traha y cua parti mester haya un update.
No lubida riba e imagen di e negoshi
E influencia cu e imagen di un negoshi tin den marketing y benta hopi biaha nan ta wordo lubida.
Elementonan simpel riba e imagen di bo negoshi manera e uniform di bo trahadonan, unda bo producto ta wordo traha of si e proceso di debolbe bo producto ta contribui na e experiencia positivo di bo clientenan. E experiencia aki ta forma con e clientenan ta wak bo compania y por influencia si acaso nan lo bira un cliente loyal pa bida largo of lo bisa un amigo pa keda leu.
Scoge con bo lo acepta pagonan
E tipo di pagonan cu bo acepta lo por tin impacto riba bo marketing y benta. Acepta e formanan di pago cu ta efectivo den costo, sigura y ta provee un experiencia positivo pa bo clientenan.
Bo lo mester un cuenta di banco pa negoshi sin importa ki sistema di pago bo scoge.
Debit / Credit cards
Pa por acepta debit y credit cards, bo lo mester aplica pa esaki na un banco. Pa esaki bo lo mester paga un suma chikito pa cada procesamento di transaccion y tambe bo mester paga e costo di instalacion di e aparato.
Cash
Hopi companianan chikito ta acepta cash solamente pa nan bentanan pasobra esaki ta mas lihe, facil y economico.
Si bo ta acepta cash, corda cu sumanan grandi por aumenta cu lo tuma hopi tempo pa conta y cu tambe lo exigi riesgo di seguridad adicional. Bo lo kier segura bo cash, manera un caha di registro y un caha fuerte (safe).
Scroll To Top
