Maneha bo negoshi
Keda safe di menasanan di computer/ informacion tecnologico/ realidad virtual
Atake di Cyber ta un preocupacion creciente pa negoshinan chikito. Siña tocante e menasanan y con pa proteha bo mes.
Contenido
Menasanan comun
Atakanan di Cyber constantemente sa pasa, pero doñonan di negoshi mester ta na altura di tiponan mas comun.
Malware (Software maligno)
Malware (software maligno) ta un termino di paraplu cu ta referi na software cu ta intencionalmente diseña pa causa daño na bo computer, server of e network di computer. Malware por inclui virusnan y ransomware.
Virus
Virus ta un programa cu ta dañino cu ta pasa (spread) di un computer pa e otro (y otro devices cu ta conecta). E intencion di virus ta pa duna cybercriminalnan acceso na bo sistema.
Ransomware (Secuestro di datonan)
Un ransomware ta un tipo specifico di malware cu ta infecta y restringi e acceso di un computer te ora cu bo paga un rescate. E ransomware generalmente ta bin door di phishing emails y ta probecha di e vulnerabilidadnan di e software.
Phishing (Practica pa horta informacion personal)
Phishing ta un tipo di cyber attack cu ta uza email of un website maligno pa infecta bo machine cu malware pa colecta bo informacion confidencial. Phishing emails ta parce manera cu e ta bin for di un organisacion legal of door di un persona conoci. E email nan aki ta atrae usuarionan pa nan click riba un link of pa habri un anexo cu ta contene codigo malicioso. Unabes cu e codigo aki cuminsa core, bo computer lo wordo infecta cu malware.
Evalua e riesgo di bo negoshi
E prome paso pa mehora bo seguridad di cyber ta pa compronde bo riesgo di atake y unda bo por realisa mehoracionnan di mas grandi.
Un evaluacion di e riesgonan di cyberseguridad por identifica unda un negoshi ta vulnerabel y por yuda bo pa crea un plan di accion – cu lo inclui e uzo di training, guia riba e seguridad di e plataforma di email y duna conseho tocante e proteccion di e accesibilidad di e informacion di e negoshi.
Si no tin IT dedica, sea un empleado of un consultant externo, negoshinan cu medionan mas limita ainda por tuma medidanan pa mehora su cyberseguridad riba su mes. Lesa, sondea y informa bo mes di e tema aki.
E miho practicanan di cybersecurity
Uza antivirus software y lag’e keda updated
Sea sigur cu cada un di bo computernan di bo negoshi ta ekipa cu un software di antivirus y un antispyware y cu regularmente ta wordo actualisa (updated). Informa bo mes tocante esaki na e diferente companianan local cu sa duna e tipo di servicionan aki.
Segura bo network
Corda proteha bo conexion di internet. Si acaso bo tin un Wifi-network, corda pa haci esaki safe.
Uza password fuerte
Uza password fuerte ta un manera facil pa mehora bo cyberseguridad. Sea sigur cu ta uza diferente password pa diferente account. Un password fuerte ta inclui:
- 10 caracteristica of mas
- Por lo menos un hoofd letter (uppercase letter)
- Por lo menos un kleine letter (lowercase letter)
- Por lo menos un number
- Por lo menos un caracteristica special (special character)
Multifactor authentication
Esaki ta rekeri informacion adicional (por ehempel, un codigo di seguridad cu ta wordo manda na bo telefon) pa bo por log in. Consulta bo leveranciers (proveedornan) cu ta maneha datonan confidencial specialmente institutonan financiero pa wak si nan ta ofrece mas cu un verificacion pa bo account.
Back up bo data
Back up regularmente tur bo data di tur bo computernan. Esaki ta encera documentonan manera, word, spreadsheets, databases, files di human resources etc. Si ta posibel back up automaticamente of por lo menos un biaha pa siman y warda e copia nan na un otro sitio of den cloud.
Segura proceso di pago
Traha hunto cu bo banco pa ta sigur cu e hermentnan di mas confiabel y valido ta wordo uza pa servicionan contra fraude. Isola e sistemanan di pago for di e otronan y si ta posibel uza un computer apart pa haci pagonan.
Controla e acceso fisico
Evita acceso pa haci uzo riba computer di trabao door di personanan no autorisa. Laptop por ta mas facil pa wordo horta of perde, pesey locknan un caminda ora nan no ta wordo uza. Lo ta bon pa crea un account y un password pa cada empleado. E privilegio di administration mester wordo duna solamente na e staf di IT y e personal clave.
Contact SETAR
Telefon: +297 525 1000
Website: www.setar.aw
Email: [email protected]
