Home > Maneha bo negoshi > Bienes (assets) y ekiponan (aparatonan)

Bienes (assets) y ekiponan (aparatonan)

Bo negoshi lo tin mester di bienes (assets) y ekiponan (aparatonan) special pa ta exitoso. Averigua cua bienes bo lo tin mester, con bo lo pagele.

Contenido

  • Sa cua bienes (assets) y ekiponan (aparatonan) bo lo tin mester
  • Dicidi si bo ta bay huur (lease) of cumpra

    • Sa cua bienes (assets) y ekiponan (aparatonan) bo lo tin mester

    Assets (Bienes) di negoshi ta cay den tres categoria general: material, inmaterial y propiedad intelectual. Dependiendo di e tipo di bienes, bo lo mester dicidi si acaso bo kier cumpra of huur (lease) pa bo negoshi. E prome paso ta pa averigua cua di e bienesnan lo yuda bo negoshi ta exitoso.

    Bienes material, manera edificionan, vehiculo y aparato, ta wordo uza regularmente pa actividadnan comercial y ta perde nan balor despues di tempo. Cosnan manera papel di printer, cu ta wordo uza, no ta wordo conta manera bienes (assets). Riba bo balans, bienes material ta wordo conta manera bo propiedad of ekipo.

    Bienes inmaterial, esakinan ta cosnan manera e reputacion di bo negoshi y bo marca. Esakinan bo no ta pone ariba bo balans, y tambe esakinan ta dificil y casi imposibel pa bo por bendenan cu cash. Pero esakinan por contribui na e balor general di bo negoshi.

    Propiedad Intelectual, ta un tipo di bienes inmaterial cu ta inclui proteccion di marca (trademark), patentnan, logonan, websitenan, nombernan di propiedad (domain names) y software. Propiedad Intelectual hopi biaha ta wordo proteha door di derecho di autor (copyright) of proteccion di marca (trademark).

    Dicidi si bo ta bay huur (lease) of cumpra

    Unabes cu bo a determina tocante tur e bienes (assets) cu bo ta bay tin mester pa bo negoshi, bo por dicidi con bo ta bay adkiri nan.

    Huur (lease)

    Huur (lease) por ta un bon opcion si acaso bo ta bay tin mester di hopi ekipo rapido of kisas e ekipo cu bo tin mester ta hopi caro. Espacio comercial tambe bo por huur (lease), dus bo por huur un luga pa bo negoshi. Den cierto caso, huur (lease) por ta menos caro cu si bo cumpra cu un fiansa cu un interes halto.

    Beneficionan di Huur (lease)

    • Mester di menos cash
    • Huurmento riba corto plaso lo yuda bo test bo ekipo
    • Mantencion tin biaha ta inclui sin costo extra

    Desbentaha di Huur (lease)

    • E costo duradero (lifetime) normalmente ta mas halto cu cumpra
    • Haci cambio prome cu e tempo di huur (lease) termina por resulta hopi caro

    Cada huur (lease) por ta diferente structura, pesey wak den e detayenan di bo oferta pa ta sigur cu bo ta hayando algo cu ta traha pa bo.

    Confirma e detayes di e huur (lease)

    Tin dos tipo di huur (lease): huur (lease) operacional y huur (lease) capital. E tipo di huur (lease) cu bo ta uza por tin un impacto significante riba bo impuesto pa e negoshi.

    Huur (lease) operacional ta traha manera huur tradicional. E bienes (asset) no ta pertenece na bo, dus bo no por añadi e riba bo balans. E pago ta wordo considera gasto operacional.

    Huur (lease) capital ta traha mas manera un fiansa. Pa motibo di accounting e bienes (asset) ta pertenece na bo. E ta wordo conta riba bo balans y bo por declara gastonan cu bo ta desconta (afschrijving) y interes.

    Tin otro factornan pa considera. Huurmento (leasemento) tin biaha ta ofrece e oportunidad pa por cumpra na final di e termino di huur (lease). Si acaso bo kier termina e huur (lease) mas trempan, lo bo haya un boet.

    Semper bo lo por puntra un abogado of un hurista pa revisa e huur (lease) cu bo prome cu bo firma, specialmente si e termino di condicionnan no ta cla.  

    Cumpra

    Cumpra ekiponan por ta un bon opcion si bo tin suficiente placa y si bo tin confiansa cu bo lo uza bo bienes (assets) pa un tempo largo.

    Beneficionan ora bo Cumpra

    • Bo por declara afschrijving riba bo impuesto
    • E costo duradero pa cumpra usualmente ta menos cu huurmento (leasing)
    • Bo por contele como bienes (asset) riba bo balans

    Desbentahanan ora bo Cumpra

    • Bo mester di placa
    • Menos oportunidad pa ‘testing’ di e bienes (asset)
    • Bo mes mester mantene y reemplasele

    Cumpra cu cash of credit

    Si bo cumpra bo bienes (ass) cu cash, e lo ta bo pertenencia di biaha. Pero esaki kiermen cu bo lo tin menos cash disponibel pa cubri bo gastonan operacional. Sigura bo mes cu bo a haci bo huiswerk di accounting y cu bo lo por paga cash.

    Fiansanan por duna mesun beneficionan di huurmento (leasemento) door di distribui e costo total pa un temporada mas largo. Maske cu bo lo paga mas den tarifa y interes cu cumprando directamente cu cash.

    Ta posibel cu bo por probecha e liñanan di credito cu bo banco of bo lo por busca otro fuentenan pa obtene mas fondonan pa bo negoshi.

    Scroll To Top