Haya mas financiamento

Amplia bo negoshi

Home > Amplia bo negoshi > Haya mas financiamento

Si bo empresa ta den funcionamento pero bo mester mas capital, bo por confia den opcionnan familiar. Sinembargo financiamento di un negoshi existente ta rekeri un preparacion diferente.

Contenido

Prepara bo mes pa busca mas financiamento
Scoge bo fuente di financiamento

Prepara bo mes pa busca mas financiamento

Cualkier persona cu duna bo of fia bo placa pa bo negoshi, lo kier ta sigur cu su inversion lo dunele fruta. Prepara un business case y un plan financiero di bo negoshi pa asina convence hendenan cu ta interesa pa inverti den bo negoshi.

Traha bo business case

Bo lo mester traha un business case solido pa por haya mas financiamento. Traha un resumen cortico cu e suma total cu bo ta bay tin mester y e motibonan specifico pe.

Porta bo negoshi ta ciclico, manera construccion of educacion, y lo bo por uza bo fondonan durante temporadanan cu bo ta pensa cu lo ta keto. Of kisas bo lo mester di capital pa inverti den un ekipo nobo of pa lansa un liña di producto. No ta importa ki motibo tin, wak pa bo actualisa bo business plan pa inclui esaki hunto cu bo etapa di financiamento.

Un business case mester duna e garantia cu e fondo nobonan no lo wordo mal uza. Inclui un descripcion di bo management team pa highlight nan habilidad y experiencia cu ta resalta.

Prepara bo jaarrekening

Mustra cu bo negoshi ta bayendo bon cu bo jaarrekening. Mustra con bo negoshi a logra crece cu entradanan, gastonan y ganashi durante añanan. Si acaso bo no tin historia di crecemento positivo, splica pakico cu mas fondo si bo lo draai miho.

Determina cuanto bo negoshi ta bal awe mediante di un taxateur di negoshi of bo mes. Esaki ta mesun proceso cu bo lo a pasa aden si acaso bo lo tabata planeando pa bende bo negoshi.

Mustra cu pronostico con bo negoshi lo crece den futuro. Bo pronostico di negoshi por ta basa riba huicio intuitivo, analisis cuantitativo of ambos. Mustra bo entradanan y gastonan cu ta proyecta y splica bon cla con bo a yega na e calculacion ey.