[email protected]

• ENG
• PAP

Bek pa tur topico

Amplia bo negoshi

• Haya mas financiamento
• Expande bo localidad of actividadnan
• Haci negoshi cu gobierno
• Comercio: Importacion

Comercio: Importacion

Departamento di Aduana di Aruba (DAA) tin e autoridad pa supervisa tur e mercancianan cu ta crusa frontera di nos pais via aire y lama. Tambe nan tin e responsabilidad social pa impone derecho di importacion y impuesto special y detene e productonan cu ta prohibi.

Contenido

• Tarifa di derecho di importacion (invoerrechten) pa productonan cu ta wordo importa
• Documentonan di importacion
• Rekisitonan di importacion
• Proceduranan di importacion

---

Tarifa di derecho di importacion (invoerrechten) pa productonan cu ta wordo importa

Segun e aduana di Aruba, e derecho di importacion ta wordo calcula manera lo siguiente:
‘cost + insurance + freight’. E balor medio di e derecho di importacion ta 12%. E derechonan di importacion pa productonan basico/ -productonan cu ta wordo considera como prome necesidad di bida ta entre 0% y 12%. Productonan di luho ta wordo cualifica den un tarifa mas halto di importacion. Aruba ta permiti entrada liber di impuesto pa materiaalnan curu (raw-material) pa industria cu sa procesa. Alcohol y bebidanan alcoholico, tabaco y productonan di dje y productonan di azeta mineral ta suheto na impuesto special.

---

Documentonan di importacion

Tur mercancia cu ta importa pa Aruba mester wordo declara cu un formulario di declaracion di aduana “Enig Document”. Ta recomendabel pa tuma contacto cu un agente di aduana local cu antipacion pa asina tur declaracion di aduana wordo yena corectamente.

---

Rekisitonan di importacion

1. Carni / Galiña

Agencianan cu ta ricibi, almacena y bende productonan importa mester ta registra na Camara di Comercio, cual ta un regulacion gubernamental. Carni y galiña solamente por wordo importa di matadero aproba door di Departamento di Agricultura di Merca (USDA) y Union Europeo (EU). Un declaracion di importacion mester wordo traha adelanta na Servicio Veterinario. E Servicio Veterinario ta revisa e siguiente documentonan:

• Certificado sanitario oficial di e pais di origen
• Factura, gastonan di transporte (bill of cargo)
• Tarifa di impuesto: 5% di e balor di aduana pa cu e carni
• Si ta cumpli cu e documentonan rekeri Servicio Veterinario lo otorga e licencia di importacion.

Tur carga di carni den bleki haci pa prome biaha mester wordo inspecciona door di Servicio Veterinario. Si e siguiente carga ta bin di e mes un proveedor, e no mester pasa via un  keuringsplicht mas. E productonan di carni procesa cu ya e fecha a vence, por wordo confisca y destrui door di Servicio Veterinario. Cu cooperacion di importadornan, otro carninan cu ta daña of ta den un mal estado lo wordo entrega na autoridadnan pa nan wordo destrui.

Pa mas informacion, tuma contacto cu Servicio Veterinario.

Webo produci local  ta e unico producto di alimentacion pa cual ta existi un proteccion di mercado. Esey kiermen cu ta proteha mercado di producccion di webo local.Sinembargo Departamento di Asunto Economico, Comercio y Industria ta duna dispensacion pa importa webo, ya cu produccion local no ta abastece e demanda pa webo. Mayoria cu kier importa webo ta entrega un peticion por escrito, pa asina obtene un dispensacion pa importa un cantidad di webo limita.

Departamento di Salud Publico ta exigi cu e prome carga di productonan cu por daña lihe (por ehemplo seafood etc.) ta acompaña pa un certificado di salud di e pais di origen, despues esaki lo no ta necesario tanten cu e ta bini di e mesun proveedor.

2. Inspeccion di Salud

Tur alimentonan (incluyendo importacion) destina pa e consumo humano mester ta saludabel y adecua pa e consumo humano. Alimentonan importa pa Aruba, semper mester ta di origenanan higienico y confiabel. Productonan cu ta wordo importa, semper mester tin e etiket adecua.
Mester tin e nomber di e producto, lista di ingrediente, cantidad di productonan, fecha di vencemento, instruccion pa warda, informacion di e importador, lugar di origen y e number di batch. Ta rekeri un certificado di salud pa e prome carga di alimentonan cu por daña liher (alimentonan potencialmente peligroso).
Alimentonan cu por daña liher/ peligroso, semper mester wordo warda y mantene pafo di e zona di peliger di temperatura. E zona di peliger di temperatura ta entre 5ºC (40ºF) y 60ºC (160ºF). Ora di importa productonan frozen, semper nan mester  wordo manteni frozen na -18ºC (0ºF) of menos.
Pa productonan manera di pesca cu ta wordo importa den estado di NON-FROZEN, e metodo di transportacion y pa warda (store) e producto mester wordo menciona. Productonan cu ta wordo jama fresco, ta implica cu e alimento no ta procesa, ta den estado curu y no ta frozen of no a pasa den ningun forma di procesamento thermal of cualkier otro forma di conservacion.

3. Pesticida y otro contaminantenan

Tur pesticida mester wordo registra na Inspectie Geneesmiddelen na Departamento di Salud Publico. Asina mes cu Aruba no tin ningun regulacion di pesticida y otro contaminacionnan di producto den alimentacion.

4. Otro regulacionnan y rekisitonan

No ta necesario pa productonan wordo getest den un laboratorio.
Muestra/Sample di producto cu ta wordo manda via exprespost of pakketpost, ta solamente suheto di regulacionnan di importacion (derecho di aduana). E destinado ta responsabel pa e impuesto di e muestra- y pedido via post.
E exportado mester tene na cuenta cu e destinado ta bon informa y  ta bai di acuerdo pa acepta e pedido pendiente, pa evita cu esaki lo wordo manda bek riba e costo di e exportado. Departamento  di Salud Publico ta controla na waf of aeropuerto e mayorista/comerciante pa cualkier producto cu ta wordo considera un riesgo pa salud en general. No ta rekiri documentonan di certificacion di importacion.

5. Registracion di Marcanan y Servicio

Segun e Aruba Trademark Act, e derecho di uzo exclusivo di un marca, ta pertenece na esun cu a uza e dicho marca promer na Aruba. E derecho di uzo exclusivo ta extendi unicamente na e productonan of servicionan ey, pa cual dicho marca ta wordo uza ofa  yega di wordo uza riba un fecha no antes cu e ultimo tres añanan.
E propietario di e marca cu ta solicita pa registracion di un marca promer tambe ta wordo considera como e promer usado di e marca y tin e derecho exclusivo di uzo, pero unicamente den e clasenan cu e marca ta registra.
Pa obtene e registro di un marca na Aruba, e solicitante mester presenta un peticion na Bureau. E marca comercial of e servicio mester ta apto pa distingui e productonan of servicionan di e otronan.

Registracion tambe ta duna derechonan exclusivo di uzo, pero segun e ley actual no ta significa necesariamente e prome uzo. Si e solicitante ta estableci pafo di Aruba, e mester scoge un domicilio na Aruba den e oficina di un agente di marcanan reconoci.

6. Agente di Patent

Segun articulo. 20 y 24 di e ley di Patent di Aruba, un agencia di patent ta e persona cu a pasa su examen di abogado di patent na Oficina di Propiedad Intelectual di Aruba y cu ta un residente permanente di Aruba. E ta autorisa pa haci servicio den e campo di e intermediacion den asuntonan di patent, incluso e registracion di patent na e Bureau Intelectueel Eigendom na nomber di titulo di e patent cu no ta domicilio di Aruba.

7. Mata y animalnan

Si bo ta importa mata, bo mester raporta e declaracion di importacion y e facturanan asocia cu esaki, mane e certificado sanitario, bill of cargo etc. na Departamento di Agricultura, Cria y Pesca (Santa Rosa). Santa Rosa lo revisa e documentonan y lo otorga e licencia di importacion si acaso e documentonan ta cumpli.
Prome cu importa/ of exporta animalnan bibo, mester informa prome y check tur posibilidadnan di antemano na Servicio Veterinario ([email protected]). Dependiendo di e caso Servicio Veterinario lo indica e posibilidadnan y e rekisitonan.

8. Remedi y vitamina

E importador/ agente/ mayorista mester obtene un licencia di importacion y mester wordo registra na Departamento di Salud Publico. E remedi/ vitamina mester wordo inspecciona door di Inspectie Volksgezondheid Aruba (IVA). E siguiente documentonan lo wordo revisa: factura original di e fabrica cu e nomber di e importado, number di registro y pais di origen (Bill of Lading).

9. Aparatonan di telecomunicacion

No ta rekeri un licencia pa importacion pa importa aparatonan di telecomunicacion manera:

• Telefon di cas, cu excepcion di telefon di cas wireless
• Modem, cu excepcion di wireless modem y fax machine

Aparatonan di telecomunicacion manera cordless phones, baby phones, wireless intercoms y wireless microphones ta uza e mesun banda di frecuencia cu e companianan di telecomunicacion local, esaki lo provoca interferencia den e sistema di telecomunicacion. Pa e motibo aki ta prohibi pa importa aparatonan di telecomunicacion cu tin e mes un frecuencianan cu e companianan di Aruba sa uza.

E frecuencianan cu actualmente ta wordo uza na Aruba ta:

• 690-800 MHz,
• 800-900 MHz,
• 900-1000 MHz,
• 1700-1800 MHz,
• 1800-1900 MHz,
• 1900-2100 MHz,
• 2100-2200 MHz,

Cordless phones ta wanta 2.4 GHz y 5.8 GHz frecuencia ta permiti.

Tene na cuenta cu algun aparatonan di telecomunicacion por wordo importa solamente cu licencia cu ta bin di Departamento di Asunto di Telecomunicacion.

Frecuencia uza door di Dect 6.0.

• 1880-1900 Mhz Europa
• 1920 -1930 Mhz Merca/ Canada
• 1900- 1920 Mhz China
• 1893-1906 Mhz Japan
• 1910-1930 Mhz Latino America

E aparatonan electronico cu ta wanta DECT 6.0 su frecuencianan ta interveni cu e sistema di telecomunicacion na Aruba.
Radiofrequencia (RFID) -tags y Frequency Blockers no ta permiti na Aruba.
Ta recomenda pa tuma contacto cu Department di Asunto di Telecomunicacion pa e aprobacion di cualkier aparato. E aprobacion aki ta gratis, sinembargo aprobacion escrito ta costa 300.00 florin.

10. Armanan (di Candela)

Pa por importa armanan di airsoft/ paintball mester un reglamento di arma y un stampia di polis. E importacion di arma di candela y municion/ ammunition ta prohibi, al menos si bo ta autorisa pa esaki.

---

Proceduranan di importacion

Aprobacion di aduana, ta wordo haci door di e importador of e agencia cu ta ricibi y cu ta registra na Camara di Comercio, pa por haci negoshi na Aruba. Documentonan di importacion manera factura y bill of lading, por ta na ingles. Sinembargo e declaracion di aduana, cu normalmente ta wordo atendi pa e agencia importador, semper mester ta den Hulandes (e lenguahe oficial di Aruba)

Unabes cu yega na e  waf of aeropuerta di entrada y e carga ta aproba (sin habri), nan ta wordo manda na e importador. E duanero ta inspecciona e carga na e lugar, unda mas documento ta wordo presenta. E impuesto di importacion ta wordo paga directamente na Departamento di Aduana.

Scroll To Top

© 2024 Idea: Iniciativa pa Desaroyo di Empresa Arubano | Disclaimer

By orbitalnets