Aña 2017, tabata e aña cu IDEA a cuminsa orienta riba e grupo di agricultura, asina IDEA a organisa na oktober 2017, un seminario specialmente pa e grupo di sector primario.
Tema di e seminario aki tabata: “Di Agricultor pa Empresario” y un total di 34 persona a atende e workshopnan aki, di cual en total 29 persona a ricibi un certificado na final di e seminario.
E ultimo dia di e workshop a clausura cu un ‘networking event’ y asina cada participante a siña conoce otro y wak den kico nan por yuda otro pa sigui traha hunto den futuro.
Durante e workshop a presenta diferente topico y storianan exitoso na e participantenan y nan a wordo presenta door di diferente departamentonan di Gobierno, Instancianan y Agripreneurnan
Den 2018 IDEA a sigui organisa diferente presentacion pa e grupo di sector primario. E oradornan (Sra. Estella Thodé, Sr. Giovanni Kock, Sr. Mario Maduro y sr. Randy Maduro) a presenta informacion tocante con pa forma un Cooperativa di Agricultor. E dia aki 36 persona a participa den e lectura aki. Despues di e lectura aki, e initiativa a cuminsa pa forma un asociacion cu despues a wordo lansa oficialmente y ta hiba e nomber di UFA.
Den transcurso di 2018, IDEA a sigi organisa cohuntamente cu COSME mas workshops y trainingnan pa e agricultornan manera: ‘Good Agricultural Practices’ (GAP) y ‘Developing Greenhouse Systems’.
Den aña 2019, IDEA a organisa un serie di workshopnan pa e productornan di “webo”. Durante e workshop aki e siguiente partnersnan a duna hopi informacionnan valiosa na tur presente: ActionCoach, Directie Volksgezondheid (DVG), Camara di Comercio (KvK), Santa Rosa, Directie Infrastructuur en Planning (DIP) y sra. Estella Thodé.
Durante e aña di pandemia 2020, IDEA no a para keto, pero a sigi trece informacion tocante agricultura virtualmente via zoom. Aruba awor mas cu nunca mester sigi stimula e sector prometedor ‘Agricultura’.
Durante 2020, e siguinte informacionnan a wordo presenta via zoom:
- informacion basico riba plantacion
- informacion riba e impuesto liber cu tin pa importacion di producto pa agricultura
- informacion riba dispensacion di impuesto cu e agricultor ta conta cune y
- informacion riba tereno cu tin actualmente y lo bai tin pa por planta.
- Tambe IDEA a organisa un Webinar pa yuda e agricultornan cu informacion con pa traha un ‘businessplan’ pa nan negoshi por ta exitoso.
- E ultimo cu nos a organisa den 2020 tawata tocante plantacion organico.
Esakinan tur tawata pa personanan cu tin pensa pa habri un negoshi di Agricultura of comerciantenan cu ya caba tin un negoshi den Agricultura of pa personanan cu kier cuminsa cultiva na cas mes (residents producers).
Tambe IDEA tin un rol den e implementacion di e rapport di Worldbank, di Washington D.C. E titulo di e rapport aki ta: “Building Resilience in Aruba’s Food Security during the Covid-19 Pandamic and beyond. E rapport aki ta sostene Food Security, exactamente kico IDEA tambe ta sostene. IDEA cohuntamente cu Santa Rosa a tuma e iniciativa pa traha riba un plan di accion pa realisa e rapport aki. E rapport aki ta wordo dividi den 2 grupo jama:
Pilar 1: alimento (cuminda) y agricultura comercial;
Pilar 2: Producto residencial, manera plantacion den bo cura of hardin riba dak.
