Un meta di IDEA ta equipa e hobennan cu balornan y visionnan pa nan logra nan soño den futuro. Nos ta aspira pa cambia e mentalidad di e hobennan, pa asina nan kere den nan mes y den loke nan por logra.

Entrepreneurship ta un manera pa e hobennan tin un bon control di nan bida y nan futuro economicamente. Den un mundo na unda nada no ta sigur, dunando e hobennan aki e materialnan pa construi nan mesun futuro lo ta un inspiracion grandi.

Entrepreneurship ta siña nan tocante planea, responsabilidad financiero, stock y demanda, e importancia di un relacion y con pa modera riesgonan. Studiante di awendia a demonstra hopi interes den entrepreneurship. Entrepreneurship no ta desaparece como un carera den bida y studiantenan mester haya e oportunidad aki pa explora esaki den nan carera di educacion escolar.

Dunando nan presentacion con pa habri un negoshi y tambe con pa diseña un plan pa un negoshi (business plan), lo motiva nan pa explora mas tocante entrepreneurship. Den 2020, IDEA a duna diferente presentacion na e muchanan y hobennan pasobra nos ta kere cu e hobennan aki por bira un empresario exitoso, creando cupo di trabou, agregando rikesa pa e comunidad y ganando conocemento practico cu por converti nan den un tremendo y exitoso empresario den futuro.