Durante aña 2019 IDEA, a organisa un serie di workshops hopi interesante pa tur persona cu tin hopi energia incluyendo pensionado y cu ta desea pa sigi usa nan carera y experiencia di bida den nan mes un negoshi. E tema di e workshop aki tabata: Silver Entrepreneurship Workshop for the retired or soon to be retired.

Algun topiconan cu a bin dilanti durante e workshop aki tabata:

• Kico ta ensera entrepreneurship;
• E 17 metanan di SDG (Sustainable Development Goals) y a pone enfasis riba e 3 metanan cu un negoshi por aplica pa contribui na e desaroyo sostenibel. E tres metanan tabata: meta no. 8: ‘Decent Work and Economic Growth’, meta no. 10: ‘Reduced Inequalities’, y meta no. 12: ‘Responsible Consumption and Production’.
• Informacion tocante: formanan di negoshi (eenmanszaak/NV/VBA), diferencia den companianan nobo, testament/ nalatenschap a wordo presenta door di un notaris;
• DEZHI a elabora riba e permiso y ley pa establecimento di negoshi, definicion di un negoshi, liña di maneho di gobierno, procedura pa introduci un peticion.
• IDEA a elabora riba tur nan servicio- y trainingnan y a duna un paar di tips ora di start un negoshi.
• Un training coach di 80+ a inspira y conscientisa tur presente cu su tremendo presentacion caminda e a trece dilanti: ‘pa ta ser un entrepreneur exitoso, mester tin un ‘life style’ di comemento saludabel y movecion’ esaki ta e secreto pa keda den un ‘healthy shape’.
• Topico di Real Estate a wordo presenta.
• SVB a duna hopi informacion valioso na tur presente tocante e primanan social pa un dunado di trabao y e trahado. Tambe nan a enfoca pa cu tur empleado mester wordo inscribi y tambe paga premie ya for di su prome dia di trabao. Un cos ta sigur den opinion di SVB, pa no tuma riesgo, inscribi bo mes como negoshi, paga bo premie y evita boet!;
• Un banco a elabora riba varios di nan servicionan y innovacion den banco.
• Topiconan di: ‘Future of Work’ y ‘Design Thinking’ special pa pensionadonan tambe a wordo presenta.
• Santa Rosa, a elabora tocante posibilidadnan pa bira un Agripreneur.
• A elabora tocante impuestonan relevante pa un entrepreneur manera inkomstenbelasting, winstbelasting, BBO, BAVP y BAZV, invoerrechten, grondbelasting.
• SETAR N.V., a elabora tocante e importancia di Digital Marketing, Direct Email y e efecto pa promove bo negoshi via social media.
• Por ultimo tabata tin algun partners cu a duna nan intercambio di experiencia den nan trabao, manera coaching pa hendenan special den mercado laboral. Otro personanan cu a cuminsa nan negoshi ora nan a drenta nan edad di pensioen y otro cu a sigi cu su negoshi ora e a drenta su edad di pensioen.