Den aña 2021, IDEA a cuminsa cu un sesion di Webinar dedica na e grupo femenina riba e parti empresarial. Esaki ta pa personanan cu ta na cas y tin un hobby y kier hasi esaki un actividad comercial of pa empresarionan femenina existente cu ta desea un extra motivacion of conocemento pa engradece nan actividadnan comercial.

Tin diferente motibo cu un persona femenina ta prefera di habri nan mesun negoshi y no keda den mercado laboral pa subi di posicion:

• Pa tin mas flexibilidad
• Pa logra loke nan merece
• Pa tin mas control riba nan futuro
• Pa logra un crecemento economico mas lihe
• Pa sigi nan passion

IDEA a diseña nan mesun logo pa esaki y a planea diferente webinar pa organisa cu diferente partnernan manera Erasmus Consulting & Training, ActionCOACH y empresarionan femenina cu experiencia comercial.

IDEA a organisa 2 Webinar den prome mita di aña 2021 di Women Entrepreneurship (WE). E dos topiconan ta lo siguiente:

Strategic Entrepreneurship & Innovation (Erasmus Consulting & Training):

• rasonnan pa ta un mihor entrepreneur cu e persona masculino
• diferente strategianan cu por wordo implementa den e setting di un SME
• e jabi pa ta un entrepreneur exitoso
• creatividad y innovacion.
• diferente tipo di nivel di innovacion cu ta existi; e “Disruptive Innovation” cu por ta beneficioso pa cierto consumidor pero alaves e por ta desastroso pa industrianan existente
• proceso completo di innovacion.

From Entrepreneur to Entrepreneurship (ActionCOACH):

• ‘Big Five’ caracteristanan di un personalidad
• caracteristanan di un personalidad empresarial
• e conocemento empresarial
• e caracteristanan personal pa ta un empresario unico
• proceso empresarial
• e diferencia den e definicion di empresarial y di ta un empresario
• kiko ta e caracteristanan di un empresario

Den e siguiente mitar di aña 2021, IDEA lo sigi organisa mas webinar pa e grupo femenina.